Bilim jáne ǵylym mininstrligi Ǵylym komitetiniń buiryǵymen «Filosofiia, saiasattaný jáne dintaný institýty» respýblikalyq memlekettik qazynalyq kásipornynyń direktory qyzmetine Serik Seidýmanov taǵaiyndaldy, dep habarlaidy QazAqparat.
Serik Turaruly 1957 jylǵy 15 aqpanda Almaty qalasynda týǵan, qazaq.
Úilengen, úsh qyzy jáne uly bar.
Máskeý himiialyq mashina jasaý institýtyn (1979 j.) – himiialyq-tehnologiialyq protsesterdi avtomattandyrý injeneri, BLKJO OK janyndaǵy Joǵary komsomol mektebin (1984 j.) – saiasattanýshy, KOKP OK Qoǵamdyq ǵylymdar akademiiasyn (1991 j.) – áleýmettanýshy mamandyǵy boiynsha bitirgen.
Áleýmettik ǵylymdar doktory, professor, Qazaqstan Respýblikasy Ulttyq ǵylym akademiiasynyń akademigi.
Eńbek jolyn Jańa-Jambyl fosfor zaýytynda azot-ottegi tsehynyń baqylaý-ólsheý jáne avtomattandyrý sheberi (1979-1981 jj.) bolyp bastaǵan.
Komsomol organdarynda qyzmet atqarǵan.
Táýelsizdik kezeńinde Qazaqstan Respýblikasynyń Prezidenti Apparaty Aqparat-taldaý ortalyǵynyń aǵa referenti, sektor meńgerýshisi, basshysynyń orynbasary (1993-1995 jj.), Qazaqstan halqy Assambleiasy Atqarýshy hatshylyǵynyń meńgerýshisi (1995-1997 jj.), Qazaqstan Respýblikasy Jastar isi, týrizm jáne sport ministriniń orynbasary (1997 j.), Qazaqstan Respýblikasy Bilim jáne mádeniet ministrligi Úilestirý jáne baqylaý departamentiniń direktory (1997 j.), «Kraý» birlesken kásipornynyń bas direktory (1997-1998 jj.), Qazaqstan Respýblikasy Parlamenti Aqparat-taldaý ortalyǵynyń direktory (1998-2002 jj.), Qazaqstan Respýblikasy Prezidenti Ákimshiliginiń Ishki saiasat bólimi meńgerýshisiniń orynbasary (2002-2004 jj.), Qazaqstan Respýblikasy Prezidenti Ákimshiliginiń Ishki saiasat basqarmasy Áleýmettik-saiasi bóliminiń bas inspektory (2004 j.), Qazaqstan Respýblikasy Prezidenti Ákimshiliginiń Buqaramen bailanys jáne baspasóz bóliminiń meńgerýshisi (2004-2005 jj.), Qazaqstan Respýblikasy Prezidenti Ákimshiliginiń Áleýmettik-saiasi bólimi meńgerýshisiniń birinshi orynbasary (2005 – 2006 jj.), Almaty qalasy ákiminiń orynbasary (2006-2013 jj.) bolyp jumys istedi.
2013 jylǵy aqpan aiynan bastap 2016 jyldyń qańtar aiyna deiin besinshi sailanǵan Qazaqstan Respýblikasy Parlamenti Májilisiniń depýtaty, Ekonomikalyq reforma jáne óńirlik damý komitetiniń múshesi, «Nur Otan» partiiasynyń Fraktsiia múshesi.
2016 jylǵy naýryz aiynan 2021 jyldyń qańtar aiy aralyǵynda Qazaqstan Respýblikasy Parlamenti Májilisiniń depýtaty, Ekologiia máseleleri jáne tabiǵat paidalaný komitetiniń múshesi, «Nur Otan» partiiasynyń fraktsiia múshesi.
«Fenomen mnogopartiinosti v Kazahstane» (1997 j.) monografiiasynyń, sondai-aq 100-den asa ǵylymi jariialanymdardyń avtory.
«Qurmet» ordenimen, «Eren eńbegi úshin» medalimen, «Nur Otan» HDP-nyń «Belsendi qyzmet úshin» medalimen, Aziia Olimpiiadalyq Keńesiniń altyn belgisimen, Bilim jáne ǵylym, Mádeniet jáne aqparat, Densaýlyq saqtaý, Týrizm jáne sport ministrlikteriniń omyraý belgilerimen marapattalǵan.
