Qazaqstan Respýblikasy mádeniet jáne sport ministriniń buiryǵymen Serik Jumanǵaliuly Sápiev QR Mádeniet jáne sport ministrliginiń Sport jáne dene shynyqtyrý isteri komitetiniń tóraǵasy laýazymyna taǵaiyndaldy. Osy orynda buǵan deiin qyzmet atqarǵan S. Jarasbaev bergen ótinishine sáikes qyzmetinen bosatyldy.
Serik Sápiev 1983 jyly Qaraǵandy oblysynda dúniege kelgen. E. Bóketov atyndaǵy Qaraǵandy memlekettik ýniversitetin «dene shynyqtyrý oqytýshysy» jáne «quqyqtaný» mamandyqtary boiynsha; 2014 jyly — Brýnel ýniversitetin («Bolashaq» baǵdarlamasynyń stipendiaty) támamdaǵan; 2016 jyly Qazaq sport jáne týrizim akademiiasynyń pedagogika ǵylymdarynyń magistri dárejesin alǵan.
Eńbek jolyn 2002 jyly bastaǵan. Túrli jyldary «Qazaqstannyń boks federatsiiasy» ZTB jattyqtyrýshy-oqytýshysy, sport jónindegi direktory; «Astana Arlans» bas direktory qyzmetterin atqarǵan.
2017 jylǵy aqpan aiynan bastap qazirgi tańǵa deiin Parlament Májilisiniń VI shaqyrylymynyń depýtaty, Áleýmettik-mádeni damý komitetiniń múshesi.
