QR Prezidenti Qasym-Jomart Toqaevtyń Qazaqstan halqyna arnaǵan Joldaýy - elimizdiń órkendeýiniń alǵysharty. Mundai pikirdi L.Gýmilev atyndaǵy EUÝ professory, filologiia ǵylymdarynyń doktory Serik Negimov bildirdi, dep habarlaidy QazAqparat.
«Ár jyl saiynǵy Prezident Úndeýi men Joldaýy jańalyqtarymen, qundy ideialarymen, elimizdiń jańǵyrýyna, órkendeýine negiz bolatyn salmaqty tujyrymdarmen erekshelenedi. Óitkeni Perzident Joldaýy - elimiz úshin jyl saiynǵy basty qujat. Prezidenttiń bul jolǵy Joldaýy Qazaqstan ekonomikasyn kóterip, halyqtyń ál-aýqatyn arttyrýǵa arnalyp otyr. Osyǵan orai bul Joldaý búkil halyqtyń kóńilinen shyqty. Qazir ol memleketimizdiń barlyq aýmaqtarynda, basqarý, oqý-óndiristik salalarda, memlekettik emes uiymdarda keń qoldaý taýyp otyr dep oilaimyn», - dedi ol.
Ǵalymnyń atap ótýinshe, Joldaýdyń ereksheligi - memleketimizdiń jáne halyqtyń aldaǵy kezeńderdegi damý jolyn aiqyndap berip otyrǵandyǵynda. Sonymen birge osy jyl álemdi alańdatqan koronavirýs indetine qarsy saqtyq sharalary da atalyp ótti. Prezident tótenshe jaǵdai men jeti ailyq karantin kezinde tynbai jumys istep kele jatqan dárigerlerge, áskerilerge, quqyq qorǵaý qyzmetkerlerine, kásipkerlerge, eriktilerge shyn júrekten alǵys aitty.
«Eń bastysy, biz halyqtan eshteńe jasyrmai, indetten qaza tapqandar týraly ashyq aqparat berdik. Qanshalyqty ashy bolsa da, jaǵdaidy ashyq aityp otyrdyq. Kúres áli jalǵasýda», degen Prezident koronavirýs indetimen kúresý áli jalǵasatynyn, sondyqtan bosańsymaý kerektigin eskertip ótti. Sonymen qatar Prezident Joldaýda jedeldetilgen ekonomikalyq jańǵyrtý - údemeli indýstriialyq-innovatsiialyq damý baǵdarlamasynyń jalǵasy ekeni kórsetilip, osy jospar aiasynda aýyl sharýashylyǵyn damytyp, jańa kásiporyn ashý, qazaqstandyq azamattardyń turaqty jumyspen qamtamasyz etilýi aityldy. Mine, bunyń bárin Memleket basshysynyń durys sheshim qabyldaǵandyǵynyń jemisi dep bilemin», - dedi professor.
Serik Negimov Joldaýdyń taǵy bir ereksheligi - jumyssyzdyq deńgeiin azaitý, shaǵyn jáne orta biznestiń úlesin arttyrý, óndiristiń sabaqtas salalaryn ulǵaitý, indýstriialandyrýdyń óńirlik baǵdarlamasyn jasap, júzege asyrý joldary aiqyn kórsetilgendiginde ekendigin aitady.
«Joldaýdyń basty erekshelikteri - eń aldymen údemeli indýstriialyq-innovatsiialyq damý baǵdarlamasy negizinde eldi indýstrialandyrý mindetterin alǵa qoiǵandyqpen, agroónerkásip keshenin damytýmen, azyq-túlik qaýipsizdigin qamtamasyz etýmen, makroekonomikalyq saiasattyń júzege asyrylýynyń negizdiligimen bailanysty. Sonymen qatar Joldaý salyq júiesin Qazaqstannyń jańa satydaǵy damý mindetterimen sáikestendirý qajettiligin alǵa qoiǵandyqpen, infliatsiiaǵa qarsy kúresti kúsheitýdiń ózekti ekendigimen, áleýmettik saladan basqa, ózge barlyq baǵyttar men kadrlardy qysqartý arqyly memlekettik shyǵyndardy azaitýdyń ózekti ekendigimen erekshelenedi. Joldaýda Qazaqstannyń qazirgi zamanǵy saiasi júiesin jetildirýge, qoǵamdyq turaqtylyq pen ultaralyq kelisimdi qamtamasyz etýge, jalpy Qazaqstandyq patriotizmdi qalyptastyrýdyń ózekti máselelerine de erekshe mán berilgen. Alǵa qoiylǵan osyndai keleli maqsattarǵa jetý úshin elimizde qylmys pen sybailas jemqorlyqqa qarsy kúres júrgizýge, quqyq qorǵaý organdarynyń azamattardyń quqyqtary men bostandyqtaryn qorǵaýdaǵy qyzmetin jetildirýge basa mán berildi, bizneske zańsyz aralasýdy boldyrmaýdy qamtamasyz etý mindetteri júkteldi. Joldaýda qabyldanatyn zańdardyń sapasyn arttyrýǵa airyqsha mán berildi. Zańdylyqtyń qatań saqtalýy máselelerimen birge, elimizge óte qajetti «Ónerkásip saiasaty» týraly zańnyń kerektigi atalyp ótti», - dedi filologiia ǵylymdarynyń doktory.
Ol Joldaýda memlekettik baǵdarlamalardyń basty maqsaty - halyqtyń ál-aýqatyn nyǵaitý ekendigine erekshe nazar aýdarylǵandyǵyn aitady.
«Sondai-aq bilim berý boiynsha da óte qýanarlyq jáittar bar. Basqasyn aitpaǵanda, muǵalimderdiń jalaqysy 2021 jyldyń qańtarynan 25 paiyzǵa ósetin boldy jáne «Jas ǵalymdar» jobasyna 1 000 grant bólinetindigi aityldy. Bul ǵylymdy órkendetýdiń dúniejúzilik standartyna sáikes keledi. Qysqasy, Qazaqstan Respýblikasy Prezidentiniń biylǵy Joldaýy elimiz boiynsha óreli mindetterdi alǵa qoiyp, jurtshylyqty jigerlendirip otyr. Bul mindetterdiń oryndalatynyna senimim mol», - dedi Serik Negimov.
