Jeńil salmaqtaǵy qazaqstandyq faiter Sergei Morozov (17-5) Las-Vegasta (Nevada, AQSh) ótken UFC Vegas 31 týrnirinde UFC-degi alǵashqy jeńisine jetti, - dep habarlaidy "Ult aqparat" Vesti.kz saityna silteme jasap.
Arlan MMA Pro komandasynyń 32 jastaǵy ókili ekinshi jekpe-jegin 29 jastaǵy livandyq nemis faiter Halid Tahige (13-4-0-1) qarsy ótkizdi.
Kezdesý sońynda Morozov tóreshilerdiń biraýyzdan shyǵarǵan sheshimimen jeńiske jetti. Úsheýi de qazaqstandyqqa basymdyq berdi, úsh raýnd qorytyndysy boiynsha esep - 30:27.
Morozov úshin bul - álemdegi eń tanymal liganyń aiasyndaǵy alǵashqy jeńis. Biyl qańtarda ol UFC-de debiýt jasaǵan bolatyn, biraq ony reseilik Omar Nýrmagomedov (13-0) tunshyqtyrý ádisimen jeńip ketti.
Endi aqtóbelik sportshynyń esebinde nokaýtpen segiz jeńis, úsh sabmishen jáne tóreshilerdiń sheshimimen alty jeńis bar. Tahige keler bolsaq, ol UFC-de besinshi jekpe-jegin ótkizip, jeńildi. Onyń enshisinde tek bir jeńis bar.
