جەڭٸل سالماقتاعى قازاقستاندىق فايتەر سەرگەي موروزوۆ (17-5) لاس-ۆەگاستا (نەۆادا, اقش) ٶتكەن UFC Vegas 31 تۋرنيرٸندە UFC-دەگٸ العاشقى جەڭٸسٸنە جەتتٸ, - دەپ حابارلايدى "ۇلت اقپارات" Vesti.kz سايتىنا سٸلتەمە جاساپ.
Arlan MMA Pro كومانداسىنىڭ 32 جاستاعى ٶكٸلٸ ەكٸنشٸ جەكپە-جەگٸن 29 جاستاعى ليۆاندىق نەمٸس فايتەر حاليد تاحيگە (13-4-0-1) قارسى ٶتكٸزدٸ.
كەزدەسۋ سوڭىندا موروزوۆ تٶرەشٸلەردٸڭ بٸراۋىزدان شىعارعان شەشٸمٸمەن جەڭٸسكە جەتتٸ. ٷشەۋٸ دە قازاقستاندىققا باسىمدىق بەردٸ, ٷش راۋند قورىتىندىسى بويىنشا ەسەپ - 30:27.
موروزوۆ ٷشٸن بۇل - ەلەمدەگٸ ەڭ تانىمال ليگانىڭ اياسىنداعى العاشقى جەڭٸس. بيىل قاڭتاردا ول UFC-دە دەبيۋت جاساعان بولاتىن, بٸراق ونى رەسەيلٸك ومار نۋرماگومەدوۆ (13-0) تۇنشىقتىرۋ ەدٸسٸمەن جەڭٸپ كەتتٸ.
ەندٸ اقتٶبەلٸك سپورتشىنىڭ ەسەبٸندە نوكاۋتپەن سەگٸز جەڭٸس, ٷش سابميشەن جەنە تٶرەشٸلەردٸڭ شەشٸمٸمەن التى جەڭٸس بار. تاحيگە كەلەر بولساق, ول UFC-دە بەسٸنشٸ جەكپە-جەگٸن ٶتكٸزٸپ, جەڭٸلدٸ. ونىڭ ەنشٸسٸندە تەك بٸر جەڭٸس بار.
