Resei SIM basshysy Sergei Lavrov Qazaqstan Prezidenti jaily "Habar" agenttigi túsirgen "Preodolenie" derekti filminde Qasym-Jomart Toqaev týraly oiyn aitty, - dep habarlaidy Tengrinews.kz.
Lavrov suhbatynda Toqaev Resei men Qazaqstan arasyndaǵy odaqtastyq qatynastarǵa tikelei úles qosqanyn atap ótti.
"Qazaqstannyń Tuńǵysh Prezidenti Nursultan Ábishuly Nazarbaev bastaǵan bizdiń odaqtastyq qatynastarymyzdaǵy, strategiialyq áriptestik bailanystardaǵy úderisterdiń laiyqty jalǵasýyna Toqaev tikelei úles qosty. Tuńǵysh Prezident qazir Pýtin men Toqaevtyń basshylyǵymen damyp kele jatqan búgingiodaqtastyǵymyzdyń negizin qalap qana qoiǵan joq. Sonymen qatar, Nursultan Ábishuly Eýraziialyq integratsiialyq úderistiń negizin qalady. Biz qazir bailanysty, infraqurylymnyń tarmaqtalýyn, logistikalyq tizbekterdi neǵurlym tiimdi qamtamasyz etýge múmkindik beretin qatynastardy damytyp jatyrmyz - munyń bárin birlesip jasaý áldeqaida tiimdi", - dedi Syrtqy ister ministri.
Lavrovtyń aitýynsha, Qasym-Jomart Toqaev joǵary laýazymyna qaramastan ózin joǵaltpady.
"Ol óz kásibine, eline adal dostaryna senetin adam bolyp qala berdi. Men onymen uzaq jyldar boiy, ministr bolmai turyp ministrlikte jumys istegen jyldardan tanimyn. Ol ministr bolǵanda bizdiń qarym-qatynasymyz turaqtanyp, kezdesýimiz kóbeie tústi: saparlar, kelissózder, senimdi konsýltatsiialar. Sodan keiin, ol Senat tóraǵasy bolǵanda, men Astanaǵa ár kelgen saiyn resmi qabyldanatynmyn. Bul maǵan erekshe sezim syilaityn, óitkeni áńgimemiz árqashan ashyq edi, standartty ia ústirt bolmaityn", - dep eske aldy Lavrov.
Ol Qazaqstan Prezidentiniń óz boryshy men el halqyna adal ekenin de aitty.
"Eń aldymen, bul - óz mindetine, halqyna, Otanyna degen joǵary adaldyq. Bul - ázil emes. Bul - asyra aitylǵan sózder emes. Bul - biz kórip otyrǵan dúnie. Qasym-Jomart Kemelulyn biletinderdiń bári osy joǵary qasietterin aitady. Ekinshisi - bilgirligi, shet tilderin jetik meńgerýi, halyqaralyq máseleler men, eń bastysy, óz elin jaqsy bilýi", - dedi Resei SIM basshysy.
