Ýkrainalyq boksshy Sergei Derevianchenko (13-1, 10 KO) Gennadii Golovkinmen (39-1-1, 35 KO) bolatyn jekpe-jek aldynda qazaqstandyq jankúierlerge alǵys aitty. Bul týraly "Ult aqparat" boksshynyń Instagram-daǵy paraqshasyna silteme jasap habarlaidy.
«Meniń «Arlanstaǵy» jekpe-jekterimdi umytpaǵan, áleýmettik jelide maǵan jyly sózder aitatyn barsha qazaqqa alǵys aitamyn. Sol kez meniń de esimde, tamasha jyldar edi. Rahmet!», - dep jazdy Derevianchenko Instagram-daǵy paraqshasyna.
Eske sala keteiik, Sergei Derevianchenko Búkilálemdik boks seriiasynda (WSB) «Astana Arlans» klýby sapynda 2012-2014 jyldary óner kórsetken bolatyn. Sodan keiin kásipqoi bokstaǵy óziniń mansabyn bastaǵan.
Golovkin - Derevianchenko aiqasy 5 qazan kúni Niý-Iorktegi (AQSh) Madison Square Garden arenasynda bolady. Boksshylar birinshi baspasóz máslihatyn ótkizip, kóz arbasty.
