ۋكراينالىق بوكسشى سەرگەي دەرەۆيانچەنكو (13-1, 10 كو) گەنناديي گولوۆكينمەن (39-1-1, 35 كو) بولاتىن جەكپە-جەك الدىندا قازاقستاندىق جانكٷيەرلەرگە العىس ايتتى. بۇل تۋرالى "ۇلت اقپارات" بوكسشىنىڭ Instagram-داعى پاراقشاسىنا سٸلتەمە جاساپ حابارلايدى.
«مەنٸڭ «ارلانستاعى» جەكپە-جەكتەرٸمدٸ ۇمىتپاعان, ەلەۋمەتتٸك جەلٸدە ماعان جىلى سٶزدەر ايتاتىن بارشا قازاققا العىس ايتامىن. سول كەز مەنٸڭ دە ەسٸمدە, تاماشا جىلدار ەدٸ. راحمەت!», - دەپ جازدى دەرەۆيانچەنكو Instagram-داعى پاراقشاسىنا.
ەسكە سالا كەتەيٸك, سەرگەي دەرەۆيانچەنكو بٷكٸلەلەمدٸك بوكس سەريياسىندا (WSB) «استانا ارلانس» كلۋبى ساپىندا 2012-2014 جىلدارى ٶنەر كٶرسەتكەن بولاتىن. سودان كەيٸن كەسٸپقوي بوكستاعى ٶزٸنٸڭ مانسابىن باستاعان.
گولوۆكين - دەرەۆيانچەنكو ايقاسى 5 قازان كٷنٸ نيۋ-يوركتەگٸ (اقش) Madison Square Garden ارەناسىندا بولادى. بوكسشىلار بٸرٸنشٸ باسپاسٶز مەسليحاتىن ٶتكٸزٸپ, كٶز ارباستى.
