Almatyda "Sergek" kameralary biýdjetke qansha aqsha ákelgeni belgili boldy, dep habarlaidy "Ult aqparat" Tengrinews.kz saityna silteme jasap.
Almatyda 7 myńnan astam "Sergek" kamerasy jumys isteidi. Jaqynda olar jaqsartylǵan modifikatsiiamen jańartyldy. Endi kameralar "adam kózinen jaqsy kóredi" jáne kóliktegi eń kishkentai bólshekterdi túsire alady.
Almaty politsiia departamentiniń habarlaýynsha, "Sergek" apparattyq-baǵdarlamalyq keshenderi 2023 jyly jalpy somasy 12 milliard 878 million 922 myń teńgege 1 847 765 quqyq buzýshylyq tirkegen.
Almaty politsiiasy Almaty kóshelerindegi "Sergek" avtomattandyrylǵan kesheni qazirgi ýaqytta buzýshylyqtardyń kelesi túrlerin tirkeitinin habarlady:
- jyldamdyqty asyrý;
- tutas syzyqty basyp ótý;
- qos tutas syzyqtan burylý;
- kólikti durys qoimaý;
- baǵdarshamnyń tyiym salynǵan signalynda júrý.
Sondai-aq, pilottyq joba sheńberinde beldiktiń bekitilmegendigi jáne jaiaý júrginshiler ótkelinde júrginshini ótkizbei ketkender tirkeledi.
Sondai-aq, jaqyn arada almatylyq "Sergekter" baǵdarshamnyń sary signalyna jol júrýdi tirkeitin bolady dep josparlanýda. Naýryz aiynyń basynan bastap kameralar Astanada erejebuzýshylyqtyń osy túrin tirkei bastady.
Naýryzdyń aiaǵyna deiin "Sergek" beinebaqylaý kameralary Almaty baraholkasynyń janyndaǵy jolǵa ornatylady.
Buǵan deiin habarlanǵandai, 2024 jyly Almaty joldarynda qosymsha 1000-nan astam "Sergek" kamerasy ornatylady. Osylaisha, megapolistegi "Sergek" kameralarynyń jalpy sany 9 myńnan asady.
