«Sergek» jobasy qoǵamdyq qaýipsizdikti arttyrý úshin tolyq kólemde paidalanylmai otyr. Bul týraly Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev aitty, dep habarlaidy QazAqparat tilshisi.
«Elordada beti ashylǵan esirtki qylmystary 7 paiyzǵa artqany baiqalady. Men Joldaýymda esirtki taratýmen jáne satýmen ainalysatyn tulǵalarǵa qatysty qylmystyq jaýapkershilikti kúsheitý qajettigi týraly aitqan edim. Taiaý ýaqytta Úkimet depýtattyq korpýspen birge zańnamamyzǵa tiisti ózgertýler engizedi dep kútemin», - dedi Meleket basshysy.
Qazaqstan Prezidenti esirtki dilerlerin qatań jazalaý qajettigin basa aitty. Sonymen qatar elordada jol apatynyń ulǵaiyp ketkendigine nazar aýdartty.
«Jol-kólik apattarynyń sany 15,5 paiyzǵa, olardan zardap shekkender 42 paiyzǵa kóbeidi. Avtokólikterdi urlaý 20 paiyzǵa artty. Dabyl qaǵarlyq derekter. Quqyqqorǵaý organdary jaǵdaidy jaqsartý boiynsha qajetti sharalardy qabyldaýǵa mindetti. «Sergek» jobasy qoǵamdyq qaýipsizdik deńgeiin arttyrý úshin tolyq kólemde paidalanylmaidy. Basymdyq júrgizýshilerden aiyppul óndirip alýǵa ǵana jasalyp otyr. Al ákimdik pen búkil Úkimettiń mindeti – bul búkil qalany tsifrlandyrý», - dedi Q.Toqaev.
