Foto: Almaty PD
Almatyda jańa "Sergek-Patrýl" júiesi 50-den asa zańbuzýshylyqty anyqtady, - dep habarlaidy Polisia.kz portaly.
"Sergek-Patrýl" kesheniniń kómegimen qaladaǵy jol qozǵalysy jaǵdaiyna teris áser etetin jáne jol-kólik oqiǵasy deńgeiine áser etetin JQE óreskel buzý jaǵdailary anyqtalǵan.
"Bul – tehnikalyq baiqaýdan ótpegen jáne saqtandyrý polisi joq, urlanǵan nemese qylmys jasaǵany úshin izdeýde júrgen, jalǵan nómir taqqan kólik, sondai-aq aiyppuldary tólenbegen júrgizýshiler.
Sonymen qatar, júie qoǵamdyq kólikterge arnalǵan jolaqtardaǵy zańbuzýshylyqtardy tirkep, jol qozǵalysy erejelerin buzýdy óńdeý úshin derekterdi avtomatty túrde ákimshilik quqyq buzýshylyqtardyń biryńǵai tizilimine jiberedi", - delingen habarlamada.
Politsiiada avtomattandyrylǵan baǵdarlamalyq keshen "Qorǵaý" mobildi qosymshasymen biriktirilgenin aitty. Ol óziniń tehnikalyq múmkindikterin aitarlyqtai jaqsartqan: qurylǵy qarańǵyda da, qolaisyz aýa raiynda da jaqsy jumys isteidi.
Eske salaiyq, buǵan deiin Almatyda patrýldik politsiia kólikterindegi jańa "Sergek" kameralary videoǵa túsirilgeni habarlanǵan edi. Almaty PD málimetinshe, qazir qalada "Sergek" ornatylǵan osyndai segiz patrýldik kólik bar. Alaida ýaqyt óte kele olardyń sany artpaq.
