Almaty politsiiasy «Sergek» kamerasyna tirkelgen quqyqbuzýshylyqtarǵa tólenetin aiyppul qaida ketip jatqanyn aitty, dep habarlaidy QazAqparat.
«Byltyrdan beri «Sergek» júiesin testileýden ótkizip kelemiz. Bul keshendi biz qala turǵyndarynyń suranysyna qarai apat kóp bolatyn jerlerde ornattyq. Bul júie eń aldymen jol apatynyń sanyn azaitý úshin, sodan soń jol apatyna bailanysty qylmystardy ashý úshin ornatyldy», - dedi qalalyq Politsiia departamentiniń ákimshilik politsiia basqarmasynyń basshysy Jandos Murataliev.
Onyń aitýynsha, «Sergek» kamerasyna túsken quqyqbuzýshylyqtarǵa salynatyn aiyppuldardyń barlyǵy qala biýdjetine túsedi.
«Birneshe kún boiy maǵan osyndai saýaldar kelip jatyr. Sergek tirkegen qarajattyń barlyǵy qaida ketedi degen. Barlyq ákimshilik aiyppuldar 1 teńgesine deiin memlekettik biýdjetke túsedi», - dedi ol.
Almatyda 1 qańtarda «Sergek» júiesiniń 400 kamerasy birden iske qosylǵan bolatyn.
10 kún ishinde kameralar 2,5 myń jol erejesin buzý deregin tirkedi. Almatylyqtar 42 mln tóleidi.
