الماتى پوليتسيياسى «سەرگەك» كامەراسىنا تٸركەلگەن قۇقىقبۇزۋشىلىقتارعا تٶلەنەتٸن ايىپپۇل قايدا كەتٸپ جاتقانىن ايتتى, دەپ حابارلايدى قازاقپارات.
«بىلتىردان بەرٸ «سەرگەك» جٷيەسٸن تەستٸلەۋدەن ٶتكٸزٸپ كەلەمٸز. بۇل كەشەندٸ بٸز قالا تۇرعىندارىنىڭ سۇرانىسىنا قاراي اپات كٶپ بولاتىن جەرلەردە ورناتتىق. بۇل جٷيە ەڭ الدىمەن جول اپاتىنىڭ سانىن ازايتۋ ٷشٸن, سودان سوڭ جول اپاتىنا بايلانىستى قىلمىستاردى اشۋ ٷشٸن ورناتىلدى», - دەدٸ قالالىق پوليتسييا دەپارتامەنتٸنٸڭ ەكٸمشٸلٸك پوليتسييا باسقارماسىنىڭ باسشىسى جاندوس مۇراتاليەۆ.
ونىڭ ايتۋىنشا, «سەرگەك» كامەراسىنا تٷسكەن قۇقىقبۇزۋشىلىقتارعا سالىناتىن ايىپپۇلداردىڭ بارلىعى قالا بيۋدجەتٸنە تٷسەدٸ.
«بٸرنەشە كٷن بويى ماعان وسىنداي ساۋالدار كەلٸپ جاتىر. سەرگەك تٸركەگەن قاراجاتتىڭ بارلىعى قايدا كەتەدٸ دەگەن. بارلىق ەكٸمشٸلٸك ايىپپۇلدار 1 تەڭگەسٸنە دەيٸن مەملەكەتتٸك بيۋدجەتكە تٷسەدٸ», - دەدٸ ول.
الماتىدا 1 قاڭتاردا «سەرگەك» جٷيەسٸنٸڭ 400 كامەراسى بٸردەن ٸسكە قوسىلعان بولاتىن.
10 كٷن ٸشٸندە كامەرالار 2,5 مىڭ جول ەرەجەسٸن بۇزۋ دەرەگٸن تٸركەدٸ. الماتىلىقتار 42 ملن تٶلەيدٸ.
