Serbiia Prezidenti Aleksandr Výchich EKSPO-2017 halyqaralyq kórmesiniń ashylý saltanatyna qatysý úshin Astanaǵa keldi, dep habarlaidy QazAqparat.
Mártebeli meimandy elorda áýejaiynan QR Densaýlyq saqtaý ministri Eljan Birtanov, Astana qalasy ákiminiń orynbasary Ermek Amanshaev jáne Serbiiadaǵy Qazaqstan elshisi Nurbah Rústemov kútip aldy.
Aita keterligi, erteń keshkisin ótetin halyqaralyq mamandandyrylǵan kórmeniń saltanatty ashylý rásimine 17 eldiń memleket jáne úkimet basshylary qatysatyn bolady. «Shanhai yntymaqtastyq uiymy otyrysy aiaqtalǵannan keiin EKSPO-nyń saltanatty ashylýy bolady. Biz ashylý saltanatyna 17 eldiń memleket jáne úkimet basshylaryn kútip otyrmyz. Munan bólek, qatysýshy elderdiń atynan zańnamalyq organdardyń ókilderi, ministrleri qatysatyn bolady. Qazirgi ýaqytta bizde osyndai naqtylanǵan málimet bar», - degen edi elimizdiń Syrtqy ister ministri Qairat Ábdirahmanov.
Buǵan deiin elordada ótetin Shanhai yntymaqtastyq uiymy sammitine qatysý úshin Aýǵanstan Prezidenti Ashraf Gani Ahmadzai, Mońǵoliia Prezidenti Tsahiagiin Elbegdorj, QHR Tóraǵasy Si Tszinpin, Ózbekstan Prezidenti Shavkat Mirzieev, Pákistan Prezidenti Mamnýn Hýsein, Resei Prezidenti Vladimir Pýtinniń kelgenin habarlaǵan bolatynbyz.
ShYU sammiti barysynda Pákistan men Úndistan atalǵan uiymǵa múshelikke qabyldanady dep kútilýde. Osylaisha, ShYU jer turǵyndarynyń 40 paiyzyn, álem ekonomikasynyń shamamen úshten birin qamtityn bolady. Búginde uiymǵa Resei, Qytai, Qazaqstan, Qyrǵyzstan, Tájikstan jáne Ózbekstan elderi múshe. Qazirgi ýaqytta ShYU tóraǵasy - Qazaqstan. Erteńgi sammit barysynda tóraǵalyq Qytai tarapyna ótedi.
