"Qazaqstan Prezidenti Nursultan Nazarbaevtyń Serbiiaǵa sapary bastaldy. Serbiia saraiy ǵimaratyna kelgen Elbasyn serbiialyq áriptesi Tomislav Nikolich qarsy alyp, zeńbirekten 10 dúrkin oq atyldy. Osydan keiin eki eldiń memlekettik ánurany oinalyp, mártebeli meimannyń qurmetine sap túzegen qaraýyl bastyǵy baianat jasady", - dep habarlaidy Ult.kz tilshisi QazAqparat agenttigine silteme jasap.
Qazaqstan Prezidentin qarsy alý rásimi aiaqtalǵannan keiin eki eldiń Memleket basshylary shaǵyn quramdaǵy kezdeý zalyna ótti. Qazirgi ýaqytta kezdesý bastalyp ketti, odan keiin keńeitilgen quramdaǵy kelissózder júrgiziledi. Qorytyndysynda birqatar ekijaqty qujattarǵa qol qoiý josparlanǵan.
Munan bólek, Elbasynyń Serbiia Premer-Ministri Aleksandr Výchichpen jáne Serb patriarhy Irineimen kezdesýi, sonymen qatar Belgrad ortalyǵyndaǵy shaǵyn alańdardyń birinde Serbiia Prezidenti Tomislav Nikolichpen birge Jambyl Jabaevtyń músinin ashýy kútilýde.
