Shymkenttegi aýrýhanalardyń birinde balasyn aiaýsyz uryp jatqan áieldiń videosy tarady. Jantúrshigerlik kadrlardy jergilikti turǵyn Instagram-paraqshasynda jariialady, - dep habarlaidy Tengrinews.kz agenttigi.
Videodan áiel adam aýrýhanada balasyn basqa áielderdiń kózinshe uryp, bylapyt sózder aityp jatqanyn kórýge bolady. Áiel adam balasynyń jylap jatqanyna da mán bermeidi. "Seni týǵansha týmaǵanym artyq edi", - deidi videodaǵy áiel.
Video Jelide tarap ketkennen keiin aýrýhanaǵa Shymkenttiń bala quqyqtary jónindegi ýákili Janneta Jazyqbaeva keldi. Onyń sózinshe, áiel adam nemere aǵasyna turmysqa shyqqan eken. Qan aralasyp, ekeýiniń eki balasy qaitys bolyp ketken, bireýine balalardyń tserebraldy sal aýrýy degen diagnoz qoiylǵan. Áiel adam videoǵa túsip qalǵan áreketin túsindirgen. Onyń sózinshe, áiel balany baiqamai uryp jibergen.
"Balany ne úshin urdyńyz" dep suraǵanymda ol baiqamai uryp jibergenin aitty. "Qalai baiqamai uryp jiberesiz" dep edim, oǵan sol sátte bireý habarlasyp qalǵanyn aitty. Sóitip, bala jylap ketken. Ol áieldiń bes balasy bolǵan eken, ekeýi qaitys bolǵan. Birinshi balasy qusyǵyna shashalyp ólgen, ekinshi durys jetilmei qaitys bolǵan", - deidi Janneta Jazyqbaeva.
Oqiǵa Shymkent qalalyq balalar klinikalyq aýrýhanasynda bolǵan. Aýrýhanada bul derek boiynsha tekseris júrip jatyr. Bastapqyda bala ókpe aýrýyna bailanysty aýrýhanaǵa túsken. Búginde balanyń jaǵdaiy ortasha, hattama boiynsha em qabyldap jatyr.
"Bala 16 qarashada pnevmoniiamen túsken. Bólim basshysy bul jaǵdai týraly habardar. Ol balanyń anasymen túsindirý jumystaryn júrgizdi, áielge psihologiialyq kómek kórsetildi. Balanyń denesi kógermegen", - deidi Shymkent qalalyq balalar klinikalyq aýrýhanasy bas dárigeriniń emdeý bólimi boiynsha orynbasary Qalamqas Daýmbaeva.
Shymkenttiń Politsiia departamenti ókilderi bul jaitqa qatysty ázirge pikir bildirmedi.
