Biyl BUU politsiiasyna qyzmet etetin bitimger-áielderge tabystalatyn halyqaralyq syilyqty senegaldyq maior Seinabý Diýf aldy, dep habarlaidy "Ult aqparat" BUU jańalyqtarynyń resmi saityna silteme jasap.
Ol ondaǵan úmitkerdiń arasynan iriktelip alyndy: Diýf 33 jyl boiy Senegal politsiiasynda jáne Mali, Darfýr jáne Kongo Demokratiialyq Respýblikasyndaǵy BUU bitimgerlik missiiasy qyzmetinde jumys istegen.
Maior Diýf – BUU týy astynda qyzmet atqaryp kele jatqan 1400 politsei áieldiń biri. Olar ártúrli kúrdeli tapsyrmalardy oryndaidy: jergilikti qoǵamdastyqtpen qarym-qatynasty qurýdan bastap halyqty qorǵaýǵa deiin, sondai-aq jynystyq jáne genderlik zorlyq-zombylyqqa qarsy kúresedi.
