Qazgidromet 25 cáýirge arnalǵan aýa raiy boljamyn usynady, dep habarlaidy "Ult aqparat".
Respýblikanyń basym bóliginde qubylmaly aýa raiy saqtalady. Atmosferalyq aýa aǵyndardyń ótýine bailanysty respýblikanyń kei jerlerinde naizaǵaimen birge jańbyr, soltústikte, soltústik-batysta jáne batysta jaýyn-shashyn (jańbyr, qar) jaýady, daýyl, tuman, jeldiń kúsheiýi kútiledi.
Aqmola oblysynyń kei jerlerinde túnde tuman kútiledi, tańerteń jáne kúndiz jel 15-18 m/s kúsheiedi. Almaty oblysynyń Jalańashkól aýdanynda jeldiń jyldamdyǵy 15-20 m/s jetedi.
Túrkistan, túnde Atyraý oblystarynyń kei jerlerinde jel 15-20 m/s kúsheiedi, Túrkistan oblysynyń kei jerlerinde daýyl kútiledi. Qyzylorda oblysynyń kei jerlerinde tuman kútiledi.
Qostanai, Shyǵys Qazaqstan oblystarynyń kei jerlerinde jel 15-20 m/s kúsheiedi, Qostanai oblysynyń kei jerlerinde tuman kútiledi. Kúndiz Batys Qazaqstan, Aqtóbe, Qaraǵandy, túnde Pavlodar oblystarynyń kei jerlerinde jel 15-20 m/s kúsheiedi, Batys Qazaqstan, Qaraǵandy oblystarynyń kei jerlerinde tuman túsedi.
Soltústik Qazaqstan oblysynda jel 15-20, kei jerlerinde ekpini 23-28 m/s kúsheiedi.
