Senattaǵy oryndarǵa 92 kandidat úmitker bolyp otyr. Bul týraly QR Ortalyq sailaý komissiiasynyń tóraǵasy Berik Imashev aitty, dep habarlaidy QazAqparat.
Ortalyq sailaý komissiiasynyń otyrysy barysynda Berik Imashev aýmaqtyq sailaý komissiialary usynǵan málimetterge sáikes, respýblika boiynsha Qazaqstan Respýblikasy Parlamenti Senatynyń depýtattyǵyna 94 kandidat usynylǵanyn habarlady.
«Salystyrmaly túrde 2017 jyly Senatqa kezekti sailaýda 89 kandidat usynylǵan, 2014 jyly – 88, 2011 jyly – 96 kandidat usynylǵan bolatyn. Qazirgi ýaqytta Senat depýtattyǵyna kandidattardy tirkeý protsesi júrip jatyr. Ol osy aǵymdaǵy jyldyń 23 shildesine deiin jalǵasady», - dedi Berik Imashev.
