Foto: British Embassy in Kazakhstan
Búgin Senatta Qazaq Oxford Dictionary sózdiginiń tanystyrylymy ótti, - dep habarlaidy QazAqparat agenttigi.
«Bul — Prezidenttiń tapsyrmasymen Ulttyq aýdarma biýrosy mamandary 4 jyldan astam ýaqyttyń ishinde arnaiy ázirlegen sózdik. Ony qazaq tiliniń mártebesin halyqaralyq deńgeige biiktetetin, onyń qýatyn, tildik ainalystaǵy, qoldanystaǵy áleýetin kórsetetin eńbek dep baǵalaýǵa bolady. Memlekettik tildiń Oxford sózdikteriniń qataryna ilinýi, oǵan 60 myńnan astam sózdik iriktelip, ǵylymi negizde berilýi — zor mártebe. Bul jumysqa Ahmet Baitursynuly atyndaǵy Til bilimi institýtynyń ǵalymdary zor úles qosty», — dedi Senat depýtaty Nurtóre Júsip sózdiktiń tanystyrylymynda.
Is-shara barysynda joba jetekshisi Halyqaralyq «Qazaq tili» qoǵamdyq birlestiginiń prezidenti Raýan Kenjehanuly sózdiktiń qalai ázirlengendigine toqtaldy.
«Álemde aýdarma sózdikterdi daiyndaý barysynda, ásirese ózge tilderdi aǵylshyn tilimen bailanystyrýda eń bedeldi, eń tájiribeli uiym — Oxford baspasy. 150 jyldan beri sózdik daiyndap, soǵan mamandanǵan», — dedi Raýan Kenjehanuly.
Onyń atap ótýinshe, cózdik qurastyrý aiasynda qazaq jáne aǵylshyn tili leksikasyndaǵy ózgerister, ásirese qazirgi mádeniet, aqparattyq tehnologiialar, meditsina, ekonomika, qarjy men saýda salalaryndaǵy jańalyqtar eskerildi.
Sondai-aq sózdikte aǵylshyn jáne qazaq tilderiniń grammatikasy men dybystaý, emle erejeleri túsindiriletin qysqasha nusqaýlyqtar, qazaq tilindegi iskerlik jáne elektrondy hat-habar jazý úlgileri berildi.
