Senattyń Konstitýtsiialyq zańnama, sot júiesi jáne quqyq qorǵaý organdary komitetiniń keńeitilgen otyrysynda «Diplommen – aýylǵa!» jobasyn memlekettik qyzmetshilerge qoldaný, «A» korpýsynyń kadr rezervin jasaqtaýdan bas tartý jáne memlekettik qyzmet salasyndaǵy ózge de ózgeristerdi qamtyǵan zań jobasy qaraldy, dep habarlaidy "Ult aqparat".
Palatanyń baspasóz qyzmetinen málim etkendei, senatorlar «Qazaqstan Respýblikasynyń keibir zańnamalyq aktilerine memlekettik qyzmet máseleleri boiynsha ózgerister men tolyqtyrýlar engizý týraly» zań jobasyn qarady.
Qujattyń negizgi maqsaty memlekettik qyzmet salasyndaǵy zańnamany odan ári jetildirý bolyp tabylady. Onda birqatar zańnamalyq aktilerge ózgerister men tolyqtyrýlar engizý kózdelgen.
Qosymsha baiandama jasaǵan senator Nurlan Beknazarov zań jobasy QR Tuńǵysh Prezidenti-Elbasynyń jáne Memleket basshysynyń tapsyrmalaryna sáikes ázirlengenin atap ótti. Usynylyp otyrǵan zań jobasy memlekettik qyzmettiń qazirgi zamanǵy qazaqstandyq modeli meritokratiia qaǵidattaryna negizdelgeni aityldy.
Zań jobasyna engiziletin ózgerister:
- «Diplommen – aýylǵa!» jobasyn memlekettik qyzmetshilerge qoldaný;
- «A» korpýsynyń kadr rezervin jasaqtaýdan bas tartý;
- barlyq memlekettik organdardyń memlekettik qyzmetshileri arasyndaǵy konkýrstyq rásimderdi 3 kezeńnen 2 kezeńdik irikteýge ońtailandyrý;
- memlekettik qyzmetshilerdiń biliktiligin arttyrýdy júzege asyratyn bilim berý uiymdaryna qoiylatyn talaptardy aiqyndaý;
- sybailas jemqorlyq quqyq buzýshylyq nemese memlekettik qyzmetke kir keltiretin tártiptik teris qylyq jasaǵany úshin jaýapkershiligi qaralatyn adamdardy basqa memlekettik laýazymǵa aýysýyna bailanysty jumystan shyǵarýǵa tyiym salýdy engizý;
- Memleket basshysynyń sheshimi boiynsha jekelegen saiasi laýazymdarǵa biliktilik talaptaryn belgileý;
Zań jobasy qabyldanǵanda memlekettik qyzmet salasyndaǵy zańnama odan ári jetildiriletin bolady.
Qujattar palatanyń qaraýyna berildi.
