Parlament Senatynyń Tóraǵasy Máýlen Áshimbaevtiń tóraǵalyǵymen palatanyń Biýro otyrysy ótti. Onda palatanyń 11 maýsymǵa josparlanǵan aldaǵy otyrysynyń kún tártibi bekitildi, dep habarlaidy "Ult aqparat".
«Senatorlar aldaǵy otyrysta Qazaqstan Respýblikasynyń «Halyq densaýlyǵy jáne densaýlyq saqtaý júiesi týraly» Kodeksi jobasyn jáne densaýlyq saqtaý máseleleri jónindegi ilespe zań jobasyn qaraýdy josparlaýda.
Odan bólek, otyrysta zańnamalyq aktilerge atqarýshylyq is júrgizýdi jáne qylmystyq zańnamany jetildirý, tsifrlyq tehnologiialardy retteý, tutynýshylardyń quqyqtaryn qorǵaý, sondai-aq halyqaralyq avtomobil tasymaldaryn qadaǵalap otyrý máseleleri boiynsha engiziletin túzetýler qaralady.
Sonymen qatar, Biýroda Májilisten kelip túsken zań jobalar salalyq komitetterge bólinip berildi», - delingen Senattyń baspasóz habarlamasynda.
Atap aitqanda, Qarjy jáne biýdjet komiteti «Qazaqstan Respýblikasynyń keibir zańnamalyq aktilerine aýditorlyq qyzmet máseleleri boiynsha ózgerister men tolyqtyrýlar engizý týraly» zań jobasy boiynsha bas komitet bolyp belgilendi.
Ekonomikalyq saiasat, innovatsiialyq damý jáne kásipkerlik komiteti «Qazaqstan Respýblikasynyń keibir zańnamalyq aktilerine biznes-ahýaldy jaqsartý máseleleri boiynsha ózgerister men tolyqtyrýlar engizý týraly» zań jobasyn odan ári pysyqtaýmen ainalysady.
Al «Qazaqstan Respýblikasynyń keibir zańnamalyq aktilerine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» zań jobasy Konstitýtsiialyq zańnama, sot júiesi jáne quqyq qorǵaý organdary komitetine bekitildi.
«Bas komitetterge QR Parlamenti Senatynyń basqa komitetteriniń usynystaryn qorytý jáne osy qujattar boiynsha qorytyndylar daiyndaý tapsyryldy», - delingen aqparatta.
