Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine personal berý jónindegi qyzmetterdi kórsetý máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy. Atalǵan zańǵa Parlament depýtattary bastamashy boldy, dep habarlaidy QazAqparat.
Zań jobasynyń maqsaty - personal berý jónindegi qyzmetterdi kórsetý salasyn quqyqtyq retteýdi qamtamasyz etý, osyndai qyzmetter kórsetýge shart jasasý tártibin aiqyndaý, taraptardyń eńbek qaýipsizdigi jáne eńbekti qorǵaý salasyndaǵy quqyqtary men mindetterin belgileý. Qazaqstan Respýblikasy zańnamasyndaǵy qaryzdyq eńbek siiaqty eńbek túrin quqyqtyq retteý qajettiligi negizdelgen jáne ýaqytyly bolyp otyr.
«Zań jobasy tolyqtai maqsattar men mindetterge sáikes keledi. Zań jobasyn qabyldaýdan kútiletin nátije jumyspen qamtýdyń osy nysany boiynsha negizgi uǵymdardy zańnamalyq deńgeide bekitý, osy sanattaǵy jumyskerlerge eńbekaqy tóleý jáne syilyqaqy berý júiesin naqtylaý, óndiristegi jazataiym oqiǵalardy tergep-tekserý tetigin retke keltirý, qyzmetkerlerdi, onyń ishinde ziiandy jáne qaýipti eńbek jaǵdailary bar óndiristerde jumys isteitinderdi áleýmettik qorǵaý máselelerin sheshý, taraptardyń quqyqtaryn, mindetterin jáne jaýapkershiligin belgileýge negizdelgen», - dedi senator Aqmaral Álnazarova.
Onyń paiymynsha, zań jobasynyń qabyldanýy – jumyskerler men jumysqa alýshylardyń qyzmetteriniń tiimdiligin arttyrýǵa yqpal etetin qolaily jaǵdailar jasaidy.
