پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە پەرسونال بەرۋ جٶنٸندەگٸ قىزمەتتەردٸ كٶرسەتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى. اتالعان زاڭعا پارلامەنت دەپۋتاتتارى باستاماشى بولدى, دەپ حابارلايدى قازاقپارات.
زاڭ جوباسىنىڭ ماقساتى - پەرسونال بەرۋ جٶنٸندەگٸ قىزمەتتەردٸ كٶرسەتۋ سالاسىن قۇقىقتىق رەتتەۋدٸ قامتاماسىز ەتۋ, وسىنداي قىزمەتتەر كٶرسەتۋگە شارت جاساسۋ تەرتٸبٸن ايقىنداۋ, تاراپتاردىڭ ەڭبەك قاۋٸپسٸزدٸگٸ جەنە ەڭبەكتٸ قورعاۋ سالاسىنداعى قۇقىقتارى مەن مٸندەتتەرٸن بەلگٸلەۋ. قازاقستان رەسپۋبليكاسى زاڭناماسىنداعى قارىزدىق ەڭبەك سيياقتى ەڭبەك تٷرٸن قۇقىقتىق رەتتەۋ قاجەتتٸلٸگٸ نەگٸزدەلگەن جەنە ۋاقىتىلى بولىپ وتىر.
«زاڭ جوباسى تولىقتاي ماقساتتار مەن مٸندەتتەرگە سەيكەس كەلەدٸ. زاڭ جوباسىن قابىلداۋدان كٷتٸلەتٸن نەتيجە جۇمىسپەن قامتۋدىڭ وسى نىسانى بويىنشا نەگٸزگٸ ۇعىمداردى زاڭنامالىق دەڭگەيدە بەكٸتۋ, وسى ساناتتاعى جۇمىسكەرلەرگە ەڭبەكاقى تٶلەۋ جەنە سىيلىقاقى بەرۋ جٷيەسٸن ناقتىلاۋ, ٶندٸرٸستەگٸ جازاتايىم وقيعالاردى تەرگەپ-تەكسەرۋ تەتٸگٸن رەتكە كەلتٸرۋ, قىزمەتكەرلەردٸ, ونىڭ ٸشٸندە زيياندى جەنە قاۋٸپتٸ ەڭبەك جاعدايلارى بار ٶندٸرٸستەردە جۇمىس ٸستەيتٸندەردٸ ەلەۋمەتتٸك قورعاۋ مەسەلەلەرٸن شەشۋ, تاراپتاردىڭ قۇقىقتارىن, مٸندەتتەرٸن جەنە جاۋاپكەرشٸلٸگٸن بەلگٸلەۋگە نەگٸزدەلگەن», - دەدٸ سەناتور اقمارال ەلنازاروۆا.
ونىڭ پايىمىنشا, زاڭ جوباسىنىڭ قابىلدانۋى – جۇمىسكەرلەر مەن جۇمىسقا الۋشىلاردىڭ قىزمەتتەرٸنٸڭ تيٸمدٸلٸگٸن ارتتىرۋعا ىقپال ەتەتٸن قولايلى جاعدايلار جاسايدى.
