Orta kásipkerliktegi belsendi kásiporyndar sanynyń qysqarýy úrdisi tirkelip otyr. Bul týraly Parlament Senatynyń Tóraǵasy Máýlen Áshimbaev málim etti, dep habarlaidy QazAqparat.
«Sońǵy jyldary orta kásipkerliktegi belsendi kásiporyndar sanynyń qysqarýy úrdisi tirkelip otyr. 2015 jyldan 2020 jyl aralyǵynda qysqarý úlesi 13 paiyzdan asty. Atap aitqanda, orta kásipkerlik baǵytynyń ónimdiligi joǵary bolyp tur. ShOB-tyń tek 0,2 paiyzyn qurasa da, olar shaǵyn jáne orta kásipkerliktiń barsha óniminiń besinshi bóligin shyǵaryp jatyr», - dedi M. Áshimbaev Qazaqstanda shaǵyn jáne orta kásipkerlikti damytý salasyndaǵy memlekettik saiasatty jáne quqyqtyq retteýdi jetildirý taqyrybyndaǵy Parlamenttik tyńdaýda.
Onyń aitýynsha, biznesti memlekettik qoldaý orta kásipkerlik sanyn arttyrýǵa, shaǵyn biznestiń «orta sanatqa» kóshýin damytýǵa baǵyttalýy tiis.
