QR UQK men UQK Akademiiasy basshylyǵynyń qatysýymen Senattyń Halyqaralyq qatynastar, qorǵanys jáne qaýipsizdik komitetiniń otyrysy onlain formatta ótti. Otyrys «Qazaqstan Respýblikasynyń Ulttyq qaýipsizdik organdary – 30 jyl táýelsizdik kúzetinde» taqyrybynda ótti, dep habarlaidy "Ult aqparat".
Senattyń beiindi komitetiniń tóraǵasy Muhtar Qul-Muhammed kezdesýdi asha otyryp, ulttyq qaýipsizdik júiesin jáne arnaiy qyzmetterdiń tiimdi qyzmetin qamtamasyz etý jónindegi zańnamalyq bazany qalyptastyrý men odan ári jetildirý protsesi táýelsizdik alǵan alǵashqy kúnderden bastalǵanyn, sondai-aq búgingi kúnge deiin jalǵasyp kele jatqanyn atap ótti.
«Sońǵy birneshe jyl ishinde qarsy barlaý qyzmetiniń quqyqtyq negizderin aiqyndaýǵa, terrorizm men ekstremizmge qarsy is-qimyl júiesin jetildirýge, , sondai-aq basqa da máselelerdi sheshýge baǵyttalǵan birqatar zańdar qabyldandy», - dedi Muhtar Qul-Muhammed.
Senat baspasóz qyzmetiniń málimetinshe, depýtattar QR UQK tóraǵasynyń orynbasary general-maior Marat Qalqabaevtyń baiandamasyn tyńdady. Ol Parlament depýtattarynyń qoldaýymen «Qazaqstan Respýblikasynyń arnaýly memlekettik organdary týraly» jáne «Qazaqstan Respýblikasynyń keibir zańnamalyq aktilerine Qazaqstan Respýblikasynyń arnaýly memlekettik organdary máseleleri boiynsha ózgerister men tolyqtyrýlar engizý týraly» zańdar qabyldanyp, olar eldiń ulttyq qaýipsizdik organdarynyń júiesin jańa deńgeige shyǵarǵanyn atap ótti.
UQK Akademiiasynyń bastyǵy Tańat Júnisov senatorlardy kásibi, bilikti mamandardy daiarlaýdy maqsat etken oqý ornynyń missiiasy týraly aityp berdi, sondai-aq bolashaqta Akademiia ulttyq qaýipsizdik organdarynyń bilim berý, oqý-ádistemelik jáne ǵylymi ortalyǵy bolatyn korporativtik kópbeiindi joǵary oqý ornyna ainalatynyn jetkizdi.
«Tájiribege baǵyttalǵan oqý protsesin qamtamasyz etý maqsatynda biz modýldik oqytýdyń ózindik tehnologiiasyn engizdik. Onyń negizi retinde bolashaq jumys týraly júieli túsinik qalyptastyratyn qarsy barlaý protsesi alynyp otyr», - dedi UQK Akademiiasynyń bastyǵy.
Otyrys barysynda osy saladaǵy quqyqtyq bazany odan ári jetildirý boiynsha usynystar aityldy.
