Parlament Senatynyń depýtattary birkúndik jalaqysyn koronavirýspen kúres jónindegi qorǵa aýdarady, dep habarlaidy QazAqparat tilshisi.
Búgin palatanyń jalpy otyrysynda Senat tóraǵasy Dariǵa Nazarbaeva tiisti usynysty jasady.
«Senat depýtattary men apparat qyzmetkerleriniń bir kúndik jalaqysyn virýspen kúres jónindegi qorǵa aýdarý týraly usynys jasaldy. Qarsylyq joq pa? Eger de kóbirek somany aýdarýǵa niet bildirgender bolsa, bul qadam quptarlyq jaǵdai. Qoldaisyzdar ma?», - dedi D. Nazarbaeva.
Óz kezeginde barlyq senatorlar atalǵan usynysqa biraýyzdan qoldaý bildirdi.
