Elimizdegi balabaqsha tegis qazaq tilinde jáne jańa álipbimen bilim berýge kóshýi múmkin. Keshe senator Murat Baqtiiaruly búldirshinderdi bólip-jarmai, bárin qazaq tilinde tárbieleiik degen usynys jasady, dep habarlaidy KTK arnasy.
"Jalpy, latyn grafikasyna kóshý týraly Elbasynyń jarlyǵy shyqty. Sol jarlyqqa sáikes kezeń-kezeńmen ótýimiz kerek. 2025 jyldan bastap biz eń birinshi kezekte balabaqshalardan bastaýymyz qajet. Sondyqtan muny dál qazir ótpesek te aldymyzda kezeń-kezeńimen ótkizý máselesi tur. Bilim jáne ǵylym ministrligi osy bastan balabaqshalarǵa, bastaýysh synyptarǵa bailanysty latyn grafikasyna negizdelgen oqýlyqtardy osy kezden bastaýy kerek", – dedi Murat Baqtiiaruly.
Senator memlekettik til barlyq qazaqstandyqtarǵa ortaq til ekendigin alǵa tarta otyryp, osyǵan orai, jalpy Qazaqstandaǵy mektepke deiingi bilim berý mekemelerinde, iaǵni búkil bala-baqshalarda endigi arada oqý-tárbie jumystarynyń bári de tek latyn álipbiine negizdelgen memlekettik tilde júrgizilýin oilastyrýdy jáne bala-baqshalarda latyn álipbiin qazirden bastap oqytyp, úiretýdi qajet dep sanaimyz. Úkimettiń osy máselege qatysty keshendi is-shara jasaýyn suraityndyǵyn jetkizdi.
