Senator Sergei Ershov Premer-Ministr Asqar Maminniń atyna joldaǵan depýtattyq saýalynda azamattyq qorǵaý máselelerine qatysty ózekti máselelerdi qozǵady, dep habarlaidy "Ult aqparat".
Onyń aitýynsha, tabiǵi jáne tehnogendik sipattaǵy tótenshe jaǵdailar, onyń ishinde bógettiń jarylýy jáne eldi mekenderdi sý basý, Ridderdegi órt, sondai-aq Almaty men Óskemen mańyndaǵy qoqys poligonynda bolyp jatqan oqiǵalardy taldaý ekonomikalyq, áleýmettik, demografiialyq jáne ózge de memleket múddesiniń qozǵalatynyn kórsetedi.
«Tótenshe jaǵdai organdary materialdyq-tehnikalyq turǵyda jabdyqtaý isinde qarjy jetkiliksiz bólinip keledi jáne qoldanystaǵy normativterdiń 58%-dan sál ǵana asatyn deńgeidi qurap otyr. Halyqty jáne elimizdiń qaýipsizdigin qorǵaý úshin áleýmettik nysandar qurylysyna jumsalatyn shyǵyndar da qysqarýda», - dedi Sergei Ershov Senattyń jalpy otyrysynda.
Senator osyǵan bailanysty 2022 jylǵa arnalǵan biýdjetti qalyptastyrý kezinde azamattyq qorǵaý organdaryn tiisti materialdyq-tehnikalyq jaraqtandyrýǵa baǵyttalǵan qarjylandyrýdy qarastyrý qajet ekenin jetkizdi.
Sonymen qatar, depýtat TJ organdarynyń qyzmetkerlerin turǵyn úimen qamtamasyz etýge qatysty problemalardy, sondai-aq «Azamattyq qorǵaý týraly» Zańdy jetildirý máselelerin de aitty.
