Parlament Senatynyń depýtaty S.Aitpaeva Eýropa Keńesi Parlamenttik Assambleiasynyń Strasbýrg (Frantsiia) qalasynda ótken maýsym sessiiasyna qatysty, dep habarlaidy "Ult aqparat" joǵary palatanyń baspasóz qyzmetine silteme jasap.
Eýropa Keńesiniń parlamentshileri Eýropa Keńesiniń 2020-2021 jyldarǵa arnalǵan biýdjeti men basymdyqtaryn, Parlamenttik Assambleianyń ókilettikteri men (ulttyq delegatsiialardyń) daýys berýine, genderlik teńdikke, balalarǵa zorlyq-zombylyq kórsetýdi toqtatýǵa úles qosýǵa qatysty máselelerdi, Siriiadaǵy jaǵdaidy saiasi retteýdiń keleshegin talqylady.
Senator sessiia barysynda Monakonyń parlamenttik delegatsiiasynyń basshysy J. Badiamen, EKPA Áleýmettik máseleler, densaýlyq saqtaý jáne ornyqty damý jónindegi komitetiniń múshesi - Ázerbaijan Milli Medjlisiniń Halyqaralyq qatynastar jáne parlamentaralyq bailanystar jónindegi komiteti tóraǵasynyń orynbasary S.Fatalievamen, eýropalyq konservatorlar tobynyń tóraǵasy Ia.Liddel-Greindjermen (Ulybritaniia), Saiasi máseleler jáne demokratiia jónindegi komitettiń tóraǵasy R.Oomen-Rýitenmen (Niderlandy), sondai-aq Eýropa Keńesiniń Bas hatshysy M.Peichinovich-Býrichpen kezdesti.
S.Aitpaeva Áleýmettik máseleler, densaýlyq saqtaý jáne turaqty damý jónindegi komitettiń balalar máseleleri jónindegi kishi komitetiniń otyrystaryna, sondai-aq Parlamenttik Assambleianyń balalarǵa qatysty zorlyq-zombylyqty toqtatý jáne kóship-qonýshy balalardy paidalaný máseleleri jónindegi birlesken pikirsaiystaryna qatysty.
