Foto: inform.kz
Reseilik depýtattar, onyń ishinde, Oleg Matveichev Qazaqstanda biologiialyq qarý jasalatyn biozerthana bar dep málimdedi. Senat depýtaty, Palatanyń halyqaralyq qatynastar, qorǵanys jáne qaýipsizdik komitetiniń tóraǵasy Asqar Shákirov bul málimdemege qatysty pikir bildirdi, - dep habarlaidy Massaget.kz portaly Tengrinews.kz aqparattyq saityna silteme jasap.
Asqar Shákirovtiń sózinshe, reseilik depýtat buǵan deiin Qazaqstan týraly, onyń ishinde, qańtar oqiǵasyna qatysty negizsiz qate málimdemeler jasaǵan. Biraq artynsha ol málimdemeleri úshin keshirim suraǵan.
"Bul mánmátinde aitylǵan nárseler shyndyqqa janaspaitynyn atap ótkim keledi. Asa qaýipti infektsiialar Ulttyq ǵylymi ortalyǵynyń ortalyq referenttik zerthanasy, mundai zerthanalar úiindisi halyqaralyq deńgeidegi jalǵyz obekti degen pikirge qaishy. Bul zerthananyń mindetteri biologiialyq qaýipsizdikti qamtamasyz etý, monitoringtiń ǵylymi negizderin ázirleý jáne engizý, asa qaýipti infektsiialardyń aldyn alý jáne táýekelderin baǵalaý bolyp sanalady", - deidi senator.
Onyń aitýynsha, zerthanaǵa biýdjet esebinen qarajat bólinedi jáne memlekettiń baqylaýynda.
"Zerthana bazasynda COVID-19-ǵa qarsy vaktsina jasaldy. Bul - Qazaqstannyń koronavirýstyń saldaryn eńserý jónindegi jahandyq kúreske qosqan baǵa jetpes úlesi. Qazaqstanda biotehnologiialardy damytý basqa elderge qatysty ashyqtyq jáne qoldanbaý qaǵidattaryna negizdelgen.
Bul týraly reseilik sarapshylar jaqsy biledi, sebebi olar osy zerthanaǵa birneshe ret barǵan. Meniń oiymsha, bizdiń áriptesterimiz, reseilik depýtattar bul sarapshylardan surap, aqparat alar edi", - deidi Asqar Shákirov.
