Elimizdiń ara jáne maral sharýashylyqtary kúrdeli jaǵdaidy bastan keshýde. Búgin senator Dúisenǵazy Mýsin elimizdiń Premer-Ministriniń atyna osyndai depýtattaq saýal joldady. Depýtat bul salalar shuǵyl memlekettik qoldaýdy qajet etetinine nazar aýdardy, dep habarlaidy QazAqparat.
Depýtattyń paiymynsha, asyl tuqymdy ara uialary men olardyń ónimderin óńdeý kásiporyndarynyń bolmaýy, asyl tuqymdy omartalar sanynyń azdyǵy, materialdyq-tehnikalyq bazanyń jetkiliksizdigi jáne veterinarlyq qyzmet jumysyndaǵy kemshilikter sheshimin tabýǵa tiisti máselelerdiń qatarynda tur. Salany damytýdy júieli josparlaý, keshendi zertteýler, selektsiialyq jumysty júieleý, sondai-aq aýdandastyrylǵan jáne asyl tuqymdy omartalar jelisin qurý jaǵdaidy jaqsartýy tiis.
Maral ósirý sharýashylyqtaryna keletin bolsaq, depýtat ótken 30 jyl ishinde sharýashylyqtardaǵy janýarlardyń sany eki ese qysqarǵanyn atap ótti.
«Bul salalardy qamtityn memlekettik baǵdarlamalar jáne «Aýyl – El besigi» arnaiy jobasy aiasynda úilestirilgen sharalar, shalǵaidaǵy, ásirese shekara boiyndaǵy halyqtyń ál-aýqatyn arttyrýǵa serpin bereri sózsiz», - dedi Dúisenǵazy Mýsin.
Senator ázirlenip jatqan Agroónerkásip keshenin damytýdyń 2022-2026 jyldarǵa arnalǵan ulttyq jobasy aiasynda memlekettik qoldaý kórsetýdi usyndy.
