.jpg)
Foto: facebook.com/clinikamtnuriya
Senator Nýriia Niiazova óziniń depýtattyq saýalynda «Aqsai» balalar klinikalyq aýrýhanasyndaǵy otorinolaringologiia jáne bet-jaqsúiek hirýrgiiasy qyzmetin jabdyqtaý máselesi týraly aitty, dep habarlaidy Ult.kz.
Senatordyń aitýynsha, emdeý mekemesindegi rekonstrýktivti hirýrgiia erin men tańdai jyryǵy siiaqty týa bitken patologiiasy bar balalarǵa kómektesedi. Keibir ónerkásipti aýdandarda bul másele álemdegi ortasha deńgeiden áldeqaida jii kezdesetini sarapshylardyń alańdaýshylyǵyn týǵyzyp otyr.
«Aqsai» aýrýhanasy jyl saiyn 2 000-ǵa deiin osyndai operatsiia jasaidy. Onda bet-jaqsúiek hirýrgiiasy men otorinolaringologiiamen qosa aýyr diagnozy bar 5 000-nan astam balaǵa joǵary bilikti kómek kórsetiledi. Al Balalar ortalyǵy Sanjar Asfendiiarov atyndaǵy QazUMÝ KEAQ 15 kafedrasynyń oqý bazasy bolyp tabylady. Bul jerde bolashaqta dáriger bolatyn ózimizdiń de, alys jáne jaqyn shetelden kelgen stýdentter de bilim alyp, tájiribeden ótedi. Alaida, emdeý mekemesi ornalasqan ǵimarattyń jaǵdaiy óte nashar.
«Elimizdiń túkpir-túkpirinen kelgen balalarǵa kórsetiletin meditsinalyq kómektiń aýqymdy kólemine qaramastan, emdeý mekemesi ornalasqan ǵimarattyń jaǵdaiy óte nashar. Ábden tozyǵy jetken ǵimaratqa zamanaýi talaptar boiynsha shuǵyl túrde kúrdeli jóndeý júrgizý men seismikalyq kúsheitý qajettigi týyndap otyr. Aýrýhana salynǵannan beri 70 jyl ótti, osy ýaqytqa deiin kúrdeli jóndeý jumysy jasalǵan joq. Sonymen qatar, aýrýhanada múgedekterge tiisti jaǵdai jasalmaǵan. Klinikada barlyq jaǵdai men mamandar bolsa da ǵimarattyń Sanitarlyq erejeler men normalardyń zamanaýi injenerlik-tehnikalyq talaptaryna sáikes kelmeýine bailanysty ońaltý sharalaryna negizgi litsenziia ala almai keledi. Joǵaryda aitylǵandardy eskere otyryp, 2025 jyly «Aqsai» balalar ortalyǵynda kúrdeli jóndeýdi, seismikalyq kúsheitýdi jáne keiinnen materialdyq-tehnikalyq bazany jańartýdy qarjylandyrý máselesin sheshýdi tiisti ministrlikter men mekemelerge tapsyrýdy suraimyn. Búgingi tańda jobalyq-smetalyq qujattama daiyn, oǵan kóp aqsha jumsaldy jáne memlekettik saraptamanyń qorytyndysy bar», - dedi Nýriia Niiazova.
