Jaýapty hatshylar institýtyn joiý týraly sheshim revoliýtsiialyq bolyp tabylady. Bul, atalǵan institýt ministrlikterdiń turaqty jumysy men naqty kadr saiasaty bóliginde ózine júktelgen úmitti aqtamaýyna bailanysty. Prezident Qasym-Jomart Toqaevtyń Joldaýyna qatysty Senat depýtaty Edil Mamytbekov osyndai pikir bildirdi, dep habarlaidy QazAqparat.
«Memleket basshysy Qasym-Jomart Toqaev QR Parlamenti palatalarynyń birlesken otyrysynda «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýyn jariialady. Joldaý kútkendegidei boldy. Bul, ásirese pandemiia kezeńinde óte mańyzdy boldy, ol ekonomikada da, áleýmettik salada da birqatar syrqat núkteler men júieli problemalardy belgiledi.
Bul Joldaý, bir jaǵynan, belgili bir dárejede revoliýtsiialyq, ekinshi jaǵynan, QR Tuńǵysh Prezidenti – Elbasy Nursultan Nazarbaevtyń mindetteri men nusqaýlaryn odan ári damytýǵa baǵyttalǵan evoliýtsiialyq bolyp tabylatynyn atap ótkim keledi. Bul jańa Qazaqstan qurylysynyń negizine alynǵan memleket saiasatynyń sabaqtastyǵyn kórsetedi.
Atap aitqanda, el Prezidenti memlekettik basqarýdyń jańa úlgisi men jańa kadr saiasaty qajet ekenin atap ótti. Qazirgi úlgi qazirgi zamanǵy talapty tolyǵymen qanaǵattandyrmaidy. Osyǵan bailanysty strategiialyq josparlaý jáne reformalar jónindegi agenttikti qaita qurý, oǵan Statistika komitetin berý ózekti ári ýaqtyly bolyp otyr. Meniń oiymsha, bul is júzinde qoljetimdi emes, ǵylymi negizdelmegen, qarjysy is júzinde qumǵa ketken kóptegen memlekettik jáne salalyq baǵdarlamalardy ońtailandyrýǵa múmkindik beredi», - dedi senator.
E.Mamytbekov Prezidenttiń memlekettik qyzmetti qaita saralaý tapsyrmasy týraly aitty.
«Memlekettik apparatty jáne memlekettik qyzmetshiler sanyn 2020 jáne 2021 jyldary 25 paiyzǵa qysqartý týraly mindet qoiyldy. Bul. memlekettik qyzmetshilerdiń jalaqysyn arttyrýǵa múmkindik beredi. Al eńbekaqy tóleýdiń faktorlyq-baldyq júiesine kóshý sinergetikalyq nátije alýǵa múmkindik beredi.
Meniń oiymsha, jaýapty hatshylar institýtyn joiý týraly sheshim revoliýtsiialyq bolyp tabylady. Bul atalǵan institýt ministrlikterdiń turaqty jumysy men naqty kadr saiasaty bóliginde ózine júktelgen úmitterdi aqtamaýyna bailanysty. Sonymen qatar, ministrler men jaýapty hatshylar arasynda múddeler qaqtyǵysy jii týyndady, bul memlekettik organnyń qyzmetine teris áser etti. Bul sheshim tek paidaly bolady.
Joldaýdyń basty mazmuny ekonomikalyq damý jáne halyqtyń ál-aýqatyn arttyrý bolyp tabylady. Onda Memleket basshysy mynadai postýlattardan turatyn jańa ekonomikalyq baǵytty aiqyndady: igilikter men mindetterdi ádil bólý, jeke kásipkerliktiń jetekshi róli, adal básekelestik, joǵary tehnologiialyq ekonomika men adami kapitaldy damytý, jasyl ekonomika men ekologiia máseleleri, negizdelgen sheshimder qabyldaý jáne olardyń qoǵam aldynda oryndalýy úshin jaýapkershilik bolyp otyr. Sondai-aq Memleket basshysyna tikelei baǵynatyn básekelestik jónindegi agenttik qurý da ózekti ekeni aqiqat», - dedi depýtat.
Senator atap ótkendei, Qasym-Jomart Toqaev aǵymdaǵy jyldyń sońyna deiin jáne 2021 jyldyń birinshi jartysyna deiin qabyldanýy tiis birqatar zań jobalaryn aiqyndady. Bul energetika, kólik áleýeti, munai himiiasy jáne basqalary týraly zań jobalary.
«Joldaýdaǵy búkil bólim shaǵyn jáne orta biznesti damytýǵa arnalǵan. Úkimetke shaǵyn jáne orta biznes úshin birqatar preferentsiialar men yntalandyrý sharalaryn anyqtaý tapsyryldy. Memleket pen investorlar arasyndaǵy ýaǵdalastyqtardy tirkeý maqsatynda ekonomikanyń strategiialyq salalarynda qoldanylatyn strategiialyq investitsiialyq kelisimniń biryńǵai quralyn ázirleý tapsyryldy. Budan basqa, óńdeý ónerkásibinde retteý tetigin ázirleý jáne kvazimemlekettik sektor qyzmeti úshin biryńǵai zań ázirleý tapsyryldy.
Jalpy Joldaýda naqty mindetter, sheshý joldary aiqyndalyp, oryndalý merzimderi anyq belgilendi. Bizdiń basty mindetimiz – el Prezidenti Qasym-Jomart Toqaev Joldaýda atap kórsetken barlyq nárseni oryndaý bolyp tabylady», - dep túiindedi oiyn E.Mamytbekov.
