QR Parlamenti Senatynyń depýtaty Dana Nurjigitova Islandiia astanasynda ótken kóshbasshy áielderdiń jahandyq forýmyna qatysty, dep habarlaidy "Ult aqparat".
Palatanyń baspasóz qyzmetinen málim etkendei, forýmǵa álemniń túkpir-túkpirinen saiasi, biznes, akademiialyq qaýymdar men úkimettik emes uiymdardyń, sondai-aq UN Women uiymynan barlyǵy 500-ge jýyq ókilder qatysty.
«Women Political Leaders» qory, Islandiia Úkimeti men Parlamenti uiymdastyrǵan sharanyń negizgi maqsaty – eń úzdik tájiribelerdi almasý, kún tártibindegi genderlik máselelerdi, onyń ishinde saiasi sheshimder qabyldaýdaǵy, janjaldardy boldyrmaý jáne retteýdegi áielderdiń rólin ilgeriletý.
Shara aiasynda D.Nurjigitova Alting (Islandiia Parlamentiniń) tóraǵasy Steingrimýr Sigfýssonmen jáne basqa da elder parlamentteriniń ókilderimen kezdesti.
Kóshbasshy áielderdiń jahandyq forýmy 2017 jyldan beri jyl saiyn álemdegi eń soltústik astana - Reikiavikada ótip keledi.
