QR Parlamenti Senatynyń depýtattary Birǵanym Áitimova men Asqar Beisenbaevtyń ókilettikteri toqtatyldy. Bul týraly Aqordanyń baspasóz qyzmetine habarlady.
«Memleket basshysynyń Jarlyqtarymen Qazaqstan Respýblikasy Parlamenti Senatynyń depýtattary Birǵanym Saryqyzy Áitimova men Asqar Asanuly Beisenbaevtyń ókilettikteri toqtatyldy», - delingen habarlamada.
Birǵanym Saryqyzy ÁITIMOVA 1953 jyly Batys Qazaqstan oblysynda dúniege keldi.
Oral pedagogikalyq institýtyn, Qazaq memlekettik ýniversitetin bitirgen. Orta mekteptiń oqytýshysy, keńshar komsomol komitetiniń hatshysy, Oral oblystyq komsomol komitetiniń sektor, bólim meńgerýshisi, qalalyq, oblystyq komsomol komitetiniń birinshi hatshysy qyzmetterin atqarǵan. 1990-1993 jyldary - Qazaqstan Respýblikasy Joǵarǵy Keńesi Jastar isi jónindegi komitetiniń tóraǵasy. 1993-1996 jyldary - Qazaqstan Respýblikasy Jastar isi, týrizm jáne sport ministri, Qazaqstan Respýblikasy Parlamenti Senatynyń depýtaty, Halyqaralyq ister, qorǵanys jáne qaýipsizdik komitetiniń múshesi. 1996-2002 jyldary - Qazaqstan Respýblikasynyń Izraildegi Tótenshe jáne Ókiletti Elshisi. 2002-2004 jyldary - Qazaqstan Respýblikasynyń Italiiadaǵy Tótenshe jáne Ókiletti Elshisi, Grekiiadaǵy, Maltadaǵy Tótenshe jáne Ókiletti Elshisi mindetin qosa atqarýshy. 2004-2007 jyldary - Qazaqstan Respýblikasy Premer-Ministriniń orynbasary, Bilim jáne ǵylym ministri. 2007-2013 jyldary - Qazaqstan Respýblikasynyń BUU janyndaǵy turaqty ókili. Kýba Respýblikasyndaǵy Elshi mindetin qosa atqarýshy (2007-2013); Solomon araldaryndaǵy Elshi mindetin qosa atqarýshy (2012-2013).
«Qurmet», «Qurmet belgisi» ordenderimen, medaldarmen marapattalǵan.
Buǵan deiin habarlaǵanymyzdai, Asqar Beisenbaev Qazaqstan Respýblikasynyń Belarýs Respýblikasyndaǵy Tótenshe jáne Ókiletti Elshisi, TMD Jarǵylyq organdarynyń janyndaǵy Turaqty Ókil qyzmetin qosa atqarýshy bolyp taǵaiyndalǵan bolatyn.
