Senator Andrei Lýkin «Nurly jer» qoljetimdi turǵyn úi salý memlekettik baǵdarlamasyn iske asyrý kórsetkishterine qatysty Úkimet basshysy Asqar Maminniń atyna depýtattyq saýal joldady, dep habarlaidy "Ult aqparat".
Depýtat «Nurly jerge» bólingen qarajattyń 50%-dan astamy igerilmegenine nazar aýdarýyn surap, Ministrler kabinetiniń basshysyna saýal joldady.
Lýkinniń aitýynsha, baǵdarlamaǵa 873,8 mlrd teńge bólinse, onyń tek 476,8 mlrd teńgesi ǵana jumsalǵan. Al turǵyn úi alǵysy keletinderdiń sany kún sanap óse beredi.
«Kezekte turǵandardyń eń kóbi Nur-Sultan qalasynda tirkelgen, onda 45,2 myń adam, al Almaty oblysynda 43,3 myń adam kezekte tur», - dedi Andrei Lýkin Senattyń jalpy otyrysynda.
Sonymen birge, Indýstriia jáne infraqurylymdy damytý ministrliginiń málimeti boiynsha 2017-2019 jyldar aralyǵynda elimizde «Nurly jer» baǵdarlamasymen 32,5 mln sharshy metr turǵyn úi salyndy.
Onyń paiymynsha, bul mólsher jetkiliksiz, óitkeni kezekte turǵandardyń sany áli de kóp. Tizimde negizinen áleýmettik osal top azamattary, memlekettik qyzmetkerler, biýdjet uiymdarynyń qyzmetkerleri jáne áskeriler bar.
«Memlekettik baǵdarlamany iske asyrýǵa bólingen biýdjet qarjysyn igerý deńgeiiniń tómendigin, sondai-aq azamattardy turǵyn úimen qamtamasyz etýdiń asyra baǵalanǵan kórsetkishin eskere otyryp, bólingen qarjynyń paidalanylýy, tapsyrylǵan turǵyn úidiń bólinýi men memlekettik baǵdarlamany iske asyrýdyń turǵyn úige muqtaj azamattardyń sanyn azaitýǵa naqty áseri týraly aqparat berýińizdi suraimyn», - dedi Andrei Lýkin.
Búgingi kúni Qazaqstannyń turǵyn úi qorynyń aýdany 347,4 mln sharshy metrge, kóp páterli turǵyn úilerdiń sany 78 402-ge jetti.
