Senator Dana Nurjigit áielderdiń zeinetke shyǵý jasyn tómendetýdi usyndy, - dep habarlaidy Tengrinews.kz.
Dana Nurjigit depýtattyq saýalynda áleýmettik jeliler arqyly kún saiyn onnan asa ótinish kelip túsetinin aitty.
"Eger ózimizdi tyńdaýshy memleketpiz desek, bul máseleni nazardan tys qaldyra almaimyz. 2015 jyly zeinetkerlik jasty ózgertý týraly zań qabyldanǵanda Qazaqstandaǵy ortasha jas negizge alynǵan bolatyn. Ol kezde ol 73 jas bolatyn. 2021 jyly bul kórsetkish 70 jas bolyp qabyldandy. BUU málimetinshe, Qazaqstanda 2022 jyly ómir súrý uzaqtyǵy áielder úshin 78 jas, erler úshin 70 jas bolady dep boljanǵan. Alaida, pandemiiaǵa bailanysty bul kórsetkishter ózgerdi. Shyndyǵynda, búginde qandai boljam bar ekeni týraly naqty aqparat joq. Menińshe, mundai anyq emes, senimsiz aqparat, iaǵni kúmándi kórsetkishter áleýmettik mańyzy bar zańdy qabyldaýǵa negiz bola almaidy", - dedi Dana Nurjigit.
Ol Ulttyq statistika biýrosynyń derekterine silteme jasap, 2020 jyly ólim-jitim 2019 jylmen salystyrǵanda 22 paiyzǵa óskenin aitty. Onyń aitýynsha, keiingi jyldary bul protsess toqtaǵan joq.
"Osylaisha, álemdik boljamdarǵa negizdelgen 2015 jylǵy zeinetaqy reformasy Qazaqstannyń qazirgi jaǵdaiyna múldem sáikes kelmeidi. Osydan jeti jyl buryn álemde qarttar sany kóbeiip, eńbekke jaramdylar azaiyp bara jatqany aityldy. Alaida, pandemiia, áleýmettik-ekonomikalyq daǵdarys saldarynan bul boljamdar qate bolyp shyqty. Taǵy bir sebep, memleketimizdegi basty másele – jumyssyzdyq. Ásirese, jastar arasyndaǵy jumyssyzdyq. Qazaqstandaǵy múddeli memlekettik organdardyń resmi aqparatyna sáikes, 2022 jyldyń birinshi toqsanyndaǵy jaǵdai boiynsha eńbekke qabiletti 9 millionnan astam adamnyń 453,1 myńǵa jýyǵy jumyssyz. 2021 jyldyń birinshi toqsanynda bir jyldan astam jumys izdep júrgen 15 pen 28 jas aralyǵyndaǵy jastardyń úlesi 8 350 adam boldy. Al 2022 jyldyń birinshi toqsanynda bul kórsetkish 9 262 adam boldy nemese 10 paiyzǵa ósti. Buǵan jyl saiyn joǵary oqý oryndaryn bitirip, jumys taba almai júrgen jastardyń sanyn qossaq. Sondai-aq biyl elimizde alǵash ret qoldanbaly bakalavriat pilottyq rejimde júzege asyrylyp jatyr, oǵan sáikes jastar 2-2,5 jyl oqyp, eńbek naryǵyna jumys izdep shyǵady. Olardy qaida jumysqa alamyz?", - dep qosty senator.
Depýtat qazirgi zeinetaqy zańnamasyna sáikes azamattar 60-63 jasqa deiin jumys istese, jumys oryndaryn bosatpaitynyn aitty. Onyń aitýynsha, mundai jaǵdaida óskeleń urpaqqa jumys qalmaidy.
"Sońǵy ýaqytta Úkimet zeinetaqy sektory máselelerin qarastyryp, aýyr jumystarda isteitin adamdardyń zeinet jasyn qaita qarap jatqanyn bilemiz. Áielderdiń zeinet jasyn ózgertý týraly tilekterin aitpaýǵa arym jibermeidi. Osy ótinishter boiynsha áielderdiń zeinetke shyǵý jasyn - 58 jas dep belgileýińizdi suraimyn. Al eger áiel jumysyn jalǵastyrýǵa daiyn bolsa, ony qarastyrý onyń quqyǵy", - dep túiindedi sózin Dana Nurjigit.
Qazir Qazaqstan zańnamasyna sáikes, erler úshin zeinetkerlik jas - 63 jas, áielder úshin qazirgi ýaqytta 60,5 jasty qurap, 2027 jyly odan ári kezeń-kezeńmen 63 jasqa deiin ósedi.
