Senator Nurjan Nursipatov Qazaqstan quramasynyń qysqy Olimpiada oiyndaryna daiyndyq barysy týraly Mádeniet jáne sport ministrliginen aqparat berýdi talap etti, dep habarlaidy QazAqparat.
Senator elimizdegi balalar men jasóspirimder sportyn qarjylandyrýdy ulǵaitýdyń mańyzdylyǵyn atap ótti. Depýtattyń pikirinshe, Prezidenttiń buqaralyq sportty damytý jónindegi tapsyrmasyn oryndaý jóninde belsendi jumystar júrgizilýi qajet.
Nurjan Nursipatov sondai-aq aldaǵy Olimpiadaǵa daiyndyqtyń barynsha joǵary deńgeiine qol jetkizý úshin qajetti sharalar, onyń ishinde zańnamalyq sipattaǵy usynystar týraly salalyq ministrlikten habardar etýdi surady.
«2022 jyldyń 4-20 aqpan aralyǵynda Beijińde XXIV qysqy Olimpiada oiyndary ótedi. Iaǵni olardyń bastalýyna bes aidan az ýaqyt qaldy. Osy oraida ótken jazǵy Olimpiada nátijesiniń qaitalanýyn bárimiz de qalamaimyz. Osyǵan bailanysty aldaǵy oiyndarǵa daiyndyq deńgeii qandai? Tokiodaǵy jaǵdaidyń qaitalanbaýy úshin ne isteý kerek? Bizdiń «qysqy» quramany irikteý, jattyqtyrý jáne qarjylandyrý jumystary qalai júrgiziledi, degen suraqtar týyndaidy»,- dedi Nurjan Nursipatov.
