سەناتور نۇرجان نۇرسيپاتوۆ قازاقستان قۇراماسىنىڭ قىسقى وليمپيادا ويىندارىنا دايىندىق بارىسى تۋرالى مەدەنيەت جەنە سپورت مينيسترلٸگٸنەن اقپارات بەرۋدٸ تالاپ ەتتٸ, دەپ حابارلايدى قازاقپارات.
سەناتور ەلٸمٸزدەگٸ بالالار مەن جاسٶسپٸرٸمدەر سپورتىن قارجىلاندىرۋدى ۇلعايتۋدىڭ ماڭىزدىلىعىن اتاپ ٶتتٸ. دەپۋتاتتىڭ پٸكٸرٸنشە, پرەزيدەنتتٸڭ بۇقارالىق سپورتتى دامىتۋ جٶنٸندەگٸ تاپسىرماسىن ورىنداۋ جٶنٸندە بەلسەندٸ جۇمىستار جٷرگٸزٸلۋٸ قاجەت.
نۇرجان نۇرسيپاتوۆ سونداي-اق الداعى وليمپياداعا دايىندىقتىڭ بارىنشا جوعارى دەڭگەيٸنە قول جەتكٸزۋ ٷشٸن قاجەتتٸ شارالار, ونىڭ ٸشٸندە زاڭنامالىق سيپاتتاعى ۇسىنىستار تۋرالى سالالىق مينيسترلٸكتەن حاباردار ەتۋدٸ سۇرادى.
«2022 جىلدىڭ 4-20 اقپان ارالىعىندا بەيجٸڭدە XXIV قىسقى وليمپيادا ويىندارى ٶتەدٸ. ياعني ولاردىڭ باستالۋىنا بەس ايدان از ۋاقىت قالدى. وسى ورايدا ٶتكەن جازعى وليمپيادا نەتيجەسٸنٸڭ قايتالانۋىن بەرٸمٸز دە قالامايمىز. وسىعان بايلانىستى الداعى ويىندارعا دايىندىق دەڭگەيٸ قانداي? توكيوداعى جاعدايدىڭ قايتالانباۋى ٷشٸن نە ٸستەۋ كەرەك? بٸزدٸڭ «قىسقى» قۇرامانى ٸرٸكتەۋ, جاتتىقتىرۋ جەنە قارجىلاندىرۋ جۇمىستارى قالاي جٷرگٸزٸلەدٸ, دەگەن سۇراقتار تۋىندايدى»,- دەدٸ نۇرجان نۇرسيپاتوۆ.
