Senat depýtattary QR Premer-Ministriniń atyna Ahmet Baitursynulynyń 150 jyldyǵyn IýNESKO deńgeiinde atap ótý, sondai-aq is-sharalar baǵdarlamasyn tereń ideialyq mazmunmen baiytý týraly usynystar joldady, dep habarlaidy "Ult aqparat".
«Biz Ahmet Baitursynulynyń ómiri men shyǵarmashylyǵyn zertteýge arnalǵan ǵylymi konferentsiialar men dóńgelek ústelder ótkizý, oǵan elordada jáne ózi qyzmet etken Qyzylorda, Semei, Almaty qalalarynda eskertkishter qoiý qajet dep sanaimyz. Sondai-aq, Sizden Qostanai oblysy ákimdiginiń aldyna Ahmet Baitursynulynyń aýylyn abattandyrý, oǵan aparatyn joldardy jóndeý týraly tapsyrma berýińizdi suraimyz», - dedi Altynbek Nýhuly Senattyń jalpy otyrysynda jariialaǵan depýtattyq saýalynda.
Senatorlar sonymen qatar Ult ustazyna arnap derekti jáne kórkem filmderdi kóbirek túsirý týraly usynys aitty.
Depýtat saýalyn naýryz aiyna josparlanǵan «Ult qundylyqtaryn saqtaý men nyǵaitý – táýelsiz eldiń kemel bolashaǵy» taqyrybyndaǵy Parlamenttik tyńdaýlarǵa daiyndyq barysynda Altynbek Nýhuly, Nurlan Ábdirov, jáne ózge de senatorlar joldady.
