Qasymov Aqyltai, Savinova Alfiia, Saparova Aigúl, Ismailov Erbol. Foto:gov.kz
Senat depýtattary Joǵarǵy sottyń birneshe sýdiasyn qyzmetinen bosatty, - dep habarlaidy Tengrinews.kz saity.
Memleket basshysynyń sýdialardy qyzmetinen bosatý týraly usynysyn Joǵarǵy Sot keńesiniń Tóraǵasy Denis Ship oqydy.
"Sizderdiń qaraýyńyzǵa Memleket basshysynyń Joǵarǵy Sottyń sýdialary Aqyltai Ahmedjanuly Qasymovty, Alfiia Saǵdýlovna Savinovany, Aigúl Ánýarbekqyzy Saparovany otstavkaǵa ketýine bailanysty, sondai-aq Erbol Juqatuly Ismailovty basqa qyzmetke taǵaiyndalýyna bailanysty qyzmetinen bosatý týraly usynysyn engizdik", - dedi Denis Ship Senattyń jalpy otyrysynda.
Onyń aitýynsha, sýdialar Savinova men Saparova zeinetkerlik jasqa, al sýdia Qasymov sýdia laýazymyn atqarýdyń eń joǵary jasy – 67 jasqa toldy.
Depýtattar sýdialardy qyzmetinen bosatýǵa biraýyzdan qoldap daýys berdi.
Aita keteri, zań boiynsha Prezident Joǵarǵy sot sýdialaryn Senat arqyly qyzmetinen bosatady.
