قاسىموۆ اقىلتاي, ساۆينوۆا الفييا, ساپاروۆا ايگٷل, يسمايلوۆ ەربول. فوتو:gov.kz
سەنات دەپۋتاتتارى جوعارعى سوتتىڭ بٸرنەشە سۋدياسىن قىزمەتٸنەن بوساتتى, - دەپ حابارلايدى Tengrinews.kz سايتى.
مەملەكەت باسشىسىنىڭ سۋديالاردى قىزمەتٸنەن بوساتۋ تۋرالى ۇسىنىسىن جوعارعى سوت كەڭەسٸنٸڭ تٶراعاسى دەنيس شيپ وقىدى.
"سٸزدەردٸڭ قاراۋىڭىزعا مەملەكەت باسشىسىنىڭ جوعارعى سوتتىڭ سۋديالارى اقىلتاي احمەدجانۇلى قاسىموۆتى, الفييا ساعدۋلوۆنا ساۆينوۆانى, ايگٷل ەنۋاربەكقىزى ساپاروۆانى وتستاۆكاعا كەتۋٸنە بايلانىستى, سونداي-اق ەربول جۇقاتۇلى يسمايلوۆتى باسقا قىزمەتكە تاعايىندالۋىنا بايلانىستى قىزمەتٸنەن بوساتۋ تۋرالى ۇسىنىسىن ەنگٸزدٸك", - دەدٸ دەنيس شيپ سەناتتىڭ جالپى وتىرىسىندا.
ونىڭ ايتۋىنشا, سۋديالار ساۆينوۆا مەن ساپاروۆا زەينەتكەرلٸك جاسقا, ال سۋديا قاسىموۆ سۋديا لاۋازىمىن اتقارۋدىڭ ەڭ جوعارى جاسى – 67 جاسقا تولدى.
دەپۋتاتتار سۋديالاردى قىزمەتٸنەن بوساتۋعا بٸراۋىزدان قولداپ داۋىس بەردٸ.
ايتا كەتەرٸ, زاڭ بويىنشا پرەزيدەنت جوعارعى سوت سۋديالارىن سەنات ارقىلى قىزمەتٸنەن بوساتادى.
