QR Parlamenti Senatynyń Tóraǵasy Máýlen Áshimbaev ózinen koronavirýs indeti anyqtalǵanyn málim etti, dep habarlaidy "Ult aqparat".
«Barynsha saqtanyp júrgenime qaramastan, sońǵy synama nátijesinde koronavirýs indetin juqtyrǵanym anyqtalyp otyr. Biraq boiymda aýrýdyń eshqandai belgileri joq. Áitse de oqshaýlanyp, mamandardyń barlyq talaptaryn qatań saqtaýdamyn. Soǵan bailanysty jumysty da qashyqtan jalǵastyramyn», - dep jazdy Senat spikeri Facebook-te.
M.Áshimbaev atap ótkendei, elimizde ókinishke qarai, pandemiianyń ekpini áli báseńdegen joq.
«Sondyqtan arqany keńge salyp, saqtyq sharalaryna beijai qaraýǵa bolmaidy. Bul, eń aldymen, ózimiz jáne týǵan-týystarymyz úshin asa mańyzdy. Endeshe indettiń aldyn alýǵa basa mán bereiik», - dedi ol.
