Senat spikeri, Qazaqstan Jastar kongresi keńesiniń Tóraǵasy Dariǵa Nazarbaeva Pavlodar oblysynda Jastar kongresiniń kúni aiasyndaǵy sharalarǵa qatysty, dep habarlaidy "Ult aqparat" joǵary palatanyń baspasóz qyzmetine silteme jasap.
Parlament Senatynyń Tóraǵasy Dariǵa Nazarbaeva Pavlodar oblysyna jumys sapary barysynda M.Kataev atyndaǵy Oqýshylar saraiynda jetkinshekterdi «Jas Ulan» qataryna saltanatty qabyldaý rásimine qatysty.
D. Nazarbaeva «jasulandyqtar» qataryna jańadan qabyldanǵan jastarǵa izgi tilegin aitty.
Senat Tóraǵasy odan keiin jaqyn aradan beri Toraighyrov University dep atalatyn Pavlodar memlekettik ýniversitetinde boldy. Bul jerde jastardyń «Jasyl el» eńbek jasaqtarynyń XV maýsymy saltanatty túrde jabyldy.
Eń úzdik jaýyngerler men otriadtar «Úzdik sarbaz», «Úzdik jasaq», «Úzdik jetekshi», «Úzdik komandir» jáne taǵy basqa arnaiy ataýlar boiynsha marapattaldy.
Senat basshysy Jastar bastamalaryn damytý ortalyǵynda Ulttyq eriktiler jelisiniń eriktiler bastamalary kórmesine qatysty.
Respýblikalyq «Jomart Jurek» syilyǵynyń «Jyl eriktisi» ataýy boiynsha iegeri Aiajan Qurmanova aimaqtaǵy eriktilerdiń qyzmetin qonaqtarǵa tanystyrdy jáne «Aqkóńilder klýby», shala týǵan balalarǵa kómek kórsetý jónindegi «28 ilmek» qaiyrymdylyq klýby, «Vita» izdestirý jasaǵy týraly aityp berdi.
Parlament Senatynyń Tóraǵasy Pavlodardaǵy Dostyq úiinde Qazaqstan Jastar kongresiniń jalpy otyrysyna qatysyp, respýblikalyq jastar uiymdarynyń ókilderimen kezdesti. Kezdesý barysynda Dariǵa Nazarbaeva Jastar Kongresiniń múshelerine medaldar men alǵys hattar tabys etti.
