Foto: Tengrinews.kz/Turar Qazanǵapov
Senat tóraǵasy Máýlen Áshimbaev depýtattardyń elorda ataýyn Astanaǵa qaitarý týraly usynysyna qatysty pikir bildirdi, - dep habarlaidy Tengrinews.kz tilshisi.
Senat otyrysynan keiin jýrnalister Parlamenttiń joǵarǵy palatasy spikerinen mundai bastamanyń sebebin surady.
"Halyqtyń pikiri, osy bizdiń qala turǵyndarynyń pikiri eń negizgi faktor. Osyndai usynystar bar, osyndai pikirler bar, osyndai oilar bar. Osynyń bárin estip, Májilistiń depýtattary osyndai bastama kóterip jatyr. Eń basty másele halyq ne deidi solai bolýy kerek. Sondyqtan bul jerde eshqandai saiasi qoiylymdar da emes, siz aitqan máseleler emes. Bul jerdegi eń basty másele - halyqtyń pikirin estý, halyqtyń pikiriniń negizinde tiisti sheshimderdi qabyldaý", - dedi ol.
