Nurlan Ábdirov QR Parlamenti Senaty tóraǵasynyń orynbasary bolyp sailandy, dep habarlaidy "Ult aqparat".
«QR Prezidentiniń jarlyǵymen Nurlan Májituly Ábdirov QR Parlamenti Senatynyń depýtaty bolyp taǵaiyndaldy. Konstitýtsiianyń 58-shi babyna sáikes, Senat tóraǵasynyń orynbasary laýazymyna senator Nurlan Ábdirovti usynamyn. Ózderińizge belgili, Nurlan Májituly - tájiribeli jáne bilikti maman. Ádilet ministrliginde jáne qaýipsizdik keńesinde jaýapty qyzmetter atqardy. Búginge deiin Májilistiń zańnama jáne sot-quqyqtyq reforma komitetiniń tóraǵasy retinde tabysty eńbek etip keldi», - dedi QR Parlamenti Senatynyń tóraǵasy Máýlen Áshimbaev Senat otyrysynda.
Óz kezeginde senatorlar daýys berý arqyly bir aýyzdan Nurlan Ábdirovtiń kandidatýrasyn qoldady.
«Qaýly qabyldandy. Nurlan Ábdirov QR Parlamenti Senatynyń tóraǵasynyń orynbasary bolyp sailandy», - dedi Senat tóraǵasy.
Aita keteiik, búgin QR Parlamenti Senatynyń altynshy shaqyrylymy óz jumysyn bastady.
