Senat tóraǵasy Máýlen Áshimbaev Japoniianyń Qazaqstan Respýblikasyndaǵy Tótenshe jáne Ókiletti Elshisi Djýn Iamadamen kezdesti, dep habarlaidy QazAqparat.
Kezdesý barysynda Senat spikeri Qazaqstan Prezidenti Qasym-Jomart Toqaev belgilep bergen Táýelsizdiktiń jańa kezeńindegi el damýynyń negizgi basymdyqtaryna toqtaldy. Máýlen Áshimbaev Palatanyń aldaǵy basty mindeti Memleket basshysynyń elimizdi jańartý baǵdaryn sapaly zańdarmen qamtamasyz etý bolyp qala beretinin jetkizdi.
Senat tóraǵasy qazirgi tańda elimizde shaǵyn jáne orta biznesti damytý úshin jaǵdai jasaýǵa, memlekettiń ekonomikaǵa qatysýyn azaitýǵa, áleýmettik teńsizdikti tómendetýge jáne óńirlerdi damytýdaǵy disproportsiiany qysqartýǵa arnalǵan júieli sharalar iske asyrylyp jatqanyn aitty. Sondai-aq ol búginde Qazaqstanda júrgizilip jatqan memlekettik basqarý júiesin jańartý meritokratiia, ashyqtyq jáne sybailas jemqorlyqqa qarsy kúres qaǵidattaryn kúsheitýdi qamtitynyn atap ótti.
Sonymen qatar suhbattasýshylar Qazaqstan men Japoniia arasyndaǵy parlamentaralyq yntymaqtastyqty nyǵaitý máselelerine nazar aýdardy.
«Parlamentaralyq qarym-qatynas bizdiń jumysymyzdyń mańyzdy baǵyty bolyp sanalady. Osy rette biz japon áriptesterimizben bailanysymyzdy jandandyryp, Japoniia Parlamentindegi Dostyq ligasymen ózara qatynasymyzdy damytýǵa múddelimiz. Birlesip pysyqtaityn máseleler az emes. Olar ekonomika, saýda, investitsiialar, Qazaqstanǵa jasyl tehnologiialardy tartý siiaqty baǵyttardy qamtidy. Ekologiia, halyqaralyq máseleler, onyń ishinde, Aýǵanstandaǵy ahýal boiynsha yntymaqtastyqtyń da mańyzy zor. Parlament depýtattaryna osy taqyryptardyń bárin talqylap, eki eldiń Úkimetterimen birlesip, qandai da bir bastamalar men jobalardy iske asyrýǵa mol múmkindik bar», – dedi Máýlen Áshimbaev.
Óz kezeginde elshi Japoniia parlamentshileri de qazaqstandyq áriptesterimen yntymaqtastyqty jandandyrýǵa nietti ekenin aitty.
Sondai-aq diplomat japon tarapy Qazaqstan Prezidentiniń eldegi investitsiialyq ahýaldy saqtaý jáne odan ári jaqsartý jónindegi ustanymyn joǵary baǵalaitynyn tilge tiek etti.
Ol sondyqtan japon investorlary Qazaqstan ekonomikasyna investitsiia salýdy jalǵastyrýǵa qulyqty ekenin atap ótti.
Is-shara sońynda Máýlen Áshimbaev Senattyń zań shyǵarý qyzmetine toqtaldy.
Onyń aitýynsha, byltyr senatorlar 104 zań qabyldady.
Olardyń árbir tórtinshisine Parlament depýtattary bastamashy boldy.
Senat tóraǵasy bul zańdardyń bári elimizdiń saiasi jáne áleýmettik-ekonomikalyq damýyn qamtamasyz etýge arnalǵanyn aitty.
