Atyraýda Senat depýtatynyń sailaýynda Saǵyndyq Luqpanov daýys berýshilerdiń 86 daýysyn (82,69%) jinady, dep habarlaidy "Ult aqparat".
Atyraý oblystyq aýmaqtyq sailaý komissiiasynyń hatshysy Ainur Amanjolovanyń málimetinshe, Senat depýtatyn sailaýda ár deńgeidegi máslihattardyń 111 depýtaty daýys berýi tiis edi. Búgingi sailaýda daýys berýge máslihattardyń 105 depýtaty qatysty.
«Senat depýtattyǵyna tirkelgen kandidattardyń arasynan Saǵyndyq Luqpanovty jaqtap 86 adam daýys bergen. Bul barlyq daýystyń 82,69 protsentin qurady. Al, ózge kandidattar Serik Smaǵulov 11 (10,5%), Saǵyn Seiilhanov 7 (6,73%) daýys jinady» -dep habarlady komissiia hatshysy Ainur Amanjolova.
