Jazda Qazaqstanda Senat depýtattyǵyna úmitkerlerdiń kezekti sailaýy ótedi. Bul týraly QR Ortalyq sailaý komissiiasyndaǵylar aitty, - dep habarlaidy "Ult aqparat" kaz.tengrinews.kz portalyna silteme jasap.
"Jazda, 30 maýsymǵa deiin Senat depýtattyǵyna úmitkerlerdiń kezekti sailaýy ótýi tiis. Bul sailaýlarda basty jumysty Astana jáne Almaty qalasyndaǵy sailaý komissiiasynyń ókilderi atqarady. Daiyndyqty aldyn ala bastaý kerek", - dedi QR OSK tóraǵasynyń orynbasary Vladimir Foos.
Onyń aitýynsha, 16 depýtat tańdalady. Ár oblystan jáne Astana men Almaty qalalarynan bir depýtattan tańdalady.
Sondai-aq, naýryz ben qazannyń sońǵy jeksenbilerinde zańǵa sáikes máslihat depýtattary sailanady. Máslihat depýtattarynyń sailaýy 58 sailaý okrýginde, onyń ishinde 13 oblystyq, 9 qalalyq jáne 36 aýdanyq máslihatta ótedi.
"Tamyz aiynyń basynda aýdandyq mańyzy bar qalalarda ákimderdiń sailaýy jáne aýyldyq okrýgterde ákimderdiń sailaýy bastalatynyn umytpaý kerek", - dedi OSK basshysynyń orynbasary.
